ଦ୍ୱାରଶୁଣି: ମୟୁରଭଞ୍ଜରେ ଝାଡାବାନ୍ତିରେ ଆତଙ୍କ । ଘଟଣାରେ ଜଣକର ମୃତ୍ୟୁ ହୋଇଥିବା ବେଳେ ୧୦ରୁ ଉର୍ଦ୍ଧ୍ୱ ଆକ୍ରାନ୍ତ ହୋଇଛନ୍ତି । ବାଙ୍ଗିରିପୋଷି ବ୍ଲକ ଅନ୍ତର୍ଗତ ପଥୁରୀ ପଂଚାୟତର ସରଗଛିଡା ଗ୍ରାମର ସିଂ ସାହିରେ ଘଟିଛି ଏଭଳି ଘଟଣା । ଝାଡାବାନ୍ତିରେ ଜଣେ ଆକ୍ରାନ୍ତ ହୋଇ ମୃତ୍ୟୁ ବରଣ କରିଥିବା ବେଳେ ୧୦ରୁ ଉର୍ଦ୍ଧ ଏବେ ମେଡିକାଲରେ ପଡ଼ିଛନ୍ତି । ଝାଡ଼ାବାନ୍ତି ଏବେ ସାରା ଗାଁରେ ଭୟର ବାତାବରଣ ସୃଷ୍ଟି କରିଛି । ତେବେ ଖବର ପାଇ ସ୍ୱାସ୍ଥ୍ୟ ବିଭାଗ ତରଫରୁ ୫ ଜଣକୁ ଚିହ୍ନଟ କରାଯାଇ ଚିକିତ୍ସା କରାଯିବା ସହ ଔଷଧ ପ୍ରଦାନ କରାଯାଇଛି । ସରଗଛିଡା ଗ୍ରାମ ସିଂସାହିରେ ୪୪ ପରିବାର ରହୁଥିବା ବେଳେ ଲୋକସଂଖ୍ୟା ୧୪୫ ଜଣ । ତେବେ ଗ୍ରାମରେ ଅସ୍ୱାସ୍ଥ୍ୟକର ପରିବେଶ ସାଙ୍ଗକୁ ବିଶୁଦ୍ଧ ପାନୀୟ ଜଳର ଅଭାବ ପାଇଁ ବିଭିନ୍ନ ସମୟରେ ଲୋକମାନେ ରୋଗାକ୍ରାନ୍ତ ହେଉଥିବାର ଅଭିଯୋଗ ହୋଇଛି ।
Popular Categories
Previous article
Next article