ଗୋପାଳପୁର: ଗୋଳନ୍ଥରା ଅବକାରୀ ଚାର୍ଜ ଏରିଆ ଅନ୍ତର୍ଗତ ଇନ୍ଦ୍ରାଣୀ ଓ ହନ୍ତୁଳୁ ଅଞ୍ଚଳରେ ଶନିବାର ବ୍ରହ୍ମପୁର ଅବକାରୀ ବିଭାଗ ପକ୍ଷରୁ ଚଢ଼ାଉ କରାଯାଇ ବେଆଇନ ଭାବେ ପ୍ରସ୍ତୁତ ହେଉଥିବା ଦେଶୀ ରନ୍ଧା ମଦ ଜବତ ହୋଇଛି। ଏହା ସହ ଦେଶୀ ରନ୍ଧା ମଦ ପ୍ରସ୍ତୁତରେ ବ୍ୟବହୃତ ହୋଉଥିବା ସରଞ୍ଜାମ ପୁଲିସ ଜବତ କରିଛି। ଏହି ଘଟଣାରେ ସମ୍ପୃକ୍ତ ଥିବା ଅଭିଯୋଗରେ ପୁଲିସ ଦୁଇ ଜଣଙ୍କୁ ଗିରଫ କରିଛି।
ସୂଚନାଯୋଗ୍ୟ, ଦୀର୍ଘ ଦିନ ଧରି ଗୋଳନ୍ଥରା ଅବକାରୀ ଚାର୍ଜ ଏରିଆରେ ବେଆଇନ ଭାବେ କେତେକ ବ୍ୟକ୍ତି ଇନ୍ଦ୍ରାକ୍ଷୀ ସମେତ ଅନ୍ୟାନ୍ୟ ଅଞ୍ଚଳରେ ଦେଶୀ ରନ୍ଧା ମଦ ପ୍ରସ୍ତୁତ କରି ବିକ୍ରୀ କରି ଆସୁଥିଲେ। ଏନେଇ ଗଣମାଧ୍ୟମରେ ଖବର ପ୍ରକାଶନ ପରେ ଆଜି ଅବକାରୀ ବିଭାଗ ପକ୍ଷରୁ ମାଜିଷ୍ଟ୍ରେଟ ତଥା କନିଷି ତହସିଲଦାର ଅନୀତା ସାହୁଙ୍କ ଉପସ୍ଥିତିରେ ଇନ୍ଦ୍ରାକ୍ଷୀ ଓ ହନ୍ତୁଳୁର ୩ଟି ସ୍ଥାନରେ ଚଢାଉ କରି ୬୦ଲିଟର ରନ୍ଧା ଦେଶୀ ମଦ, ୫୯ ଟି ୧୦୦ ମିଲି ର ଦେଶୀ ମହୁଲି ମଦ ପାଉଚ୍ ଏବଂ ୨୦ ବୋତଲ ବିଦେଶୀ ମଦ ବୋତଲ ଜବତ କରାଯାଇଛି। ଏହି ଘଟଣାରେ ଇନ୍ଦ୍ରାକ୍ଷୀର ଗଙ୍ଗା ସାହୁ ଏବଂ ହନ୍ତୁଳୁର ଗଙ୍ଗା ସାହୁକୁ ଗିରଫ କରାଯାଇଛି। ଏହି ଚଢାଉ ରେ ଚିକିଟି, ସଦର, ଗୋଳନ୍ଥରା ର ଅବକାରୀ କର୍ମଚାରୀମାନେ ସାମିଲ ରହିଥିଲେ।
