ତ୍ୱଚାର ସୌନ୍ଦର୍ଯ୍ୟ ପାଇଁ ସଭିଏଁ ବିଭିନ୍ନ ଉପାୟ ଆପଣେଇ ଥାଆନ୍ତି। ଏହି କାରଣରୁ ଦାମୀ କ୍ରିମ ଓ ଅନ୍ୟାନ୍ୟ ପ୍ରସାଧନ ସାମଗ୍ରୀ ମଧ୍ୟ ବ୍ୟବହାର କରିଥାଆନ୍ତି। ତେବେ ଫେସ ପ୍ୟାକ୍ର ବ୍ୟବହାର ଫଳରେ ମୁହଁର ଦାଗ ଦୂର ହେବା, ଉଜ୍ୱଳ ହେବା, ଅପରିଷ୍କାର ପଦାର୍ଥ ବାହାର କରିବା ଭଳି ଲାଭ ମିଳିଥାଏ। ବଜାରରେ ବିକ୍ରି ହେଉଥିବା ଫେସ ପ୍ୟାକ ବଦଳରେ ଆପଣ ଘରୋଇ ଉପାୟରେ ମଧ୍ୟ ଏହାକୁ ପ୍ରସ୍ତୁତ କରିପାରିବେ। ଯାହା ତ୍ୱଚା ପାଇଁ ଉତ୍ତମ ହେବା ସହ କେମିକାଲ ନଥିବା ହେତୁ କୌଣସି କୁପ୍ରଭାବ ପକାଇ ନଥାଏ। ଜାଣନ୍ତୁ କିଭଳି ପ୍ରସ୍ତୁତ କରିବେ ଘରୋଇ ଫେସ ପ୍ୟାକ….
ବେସନ, କ୍ଷୀର ଓ ମହୁ ଫେସ ପ୍ୟାକ୍ –
୪ ଚାମଚ ବେସନ, ୧ ଚାମଚ କ୍ଷୀର , ଅଳ୍ପ କିଛି ମହୁ ଓ ପାଣି ମିଶାଇ ଭଲ ଭାବେ ଗୋଳାଇ ଦିଅନ୍ତୁ। ଏହି ମିଶ୍ରଣକୁ ମୁହଁରେ ଲଗାଇ ୨୦ ମିନିଟ ରଖନ୍ତୁ। ୨୦ ମିନିଟ ପରେ ମୁହଁ ଧୋଇ ଦିଅନ୍ତୁ। ସପ୍ତାହକୁ ୩ଥର ଏହାକୁ ଲଗାଇବା ଦ୍ୱାରା ତ୍ୱଚା ସୁନ୍ଦର ଓ ଉଜ୍ଜ୍ୱଳ ହୋଇଥାଏ।
ଟମାଟୋ ଓ ମହୁ ଫେସ ପ୍ୟାକ୍ –
ଅଳ୍ପ ଟମାଟୋ ରସରେ କିଛି ମହୁ ମିଶାଇ ଏହାକୁ ମୁହଁରେ ଲଗାଇ ୨୫ ମିନିଟ ରଖନ୍ତୁ। ୨୫ ମିନିଟ ପରେ ମୁହଁକୁ ଭଲ ଭାବେ ଧୋଇ ଦିଅନ୍ତୁ। ଏପରି ସପ୍ତାହକୁ ୩ ଥର ଲଗାନ୍ତୁ। ନିଜେ ଏହାର ଚମତ୍କାରିତା ଅନୁଭବ କରିବେ।
ଦହି ଓ ଏଲୋବେରା ଫେସ ପ୍ୟାକ୍ –
୪ ଚାମଚ ଏଲୋବେରା ରସରେ ୧ ଚାମଚ ଦହି ମିଶାଇ ଏହାକୁ ମୁହଁରେ ଲଗାଇ ୨୦ ମିନିଟ ରଖନ୍ତୁ। ୨୦ ମିନିଟ ପରେ ମୁହଁକୁ ପାଣିରେ ଧୋଇ ଦିଅନ୍ତୁ। ଏହା ତ୍ୱଚାର ଚମକ ବୃଦ୍ଧି କରିବା ସହ ଗୋରା ମଧ୍ୟ କରିଥାଏ।
କାକୁଡ଼ି ଫେସ ପ୍ୟାକ୍ –
କାକୁଡ଼ିକୁ କାଟି ଏହାକୁ ପେଷି ପେଷ୍ଟ ପ୍ରସ୍ତୁତ କରନ୍ତୁ। ଏହି ପେଷ୍ଟରେ ସାମାନ୍ୟ ଚିନି ମିଶାଇ ଏହାକୁ ୫ ରୁ ୧୦ ମିନଟ ଫ୍ରିଜରେ ରଖି ଦିଅନ୍ତୁ। ଫ୍ରିଜରୁ କାଢି ଏହାକୁ ମୁହଁରେ ଲଗାଇ ୨୫ ମିନିଟ ରଖନ୍ତୁ। ୨୫ ମିନିଟ ପରେ ମୁହଁକୁ ଧୋଇ ଦିଅନ୍ତୁ। ଏପରି ସପ୍ତାହକୁ ୨ଥର ଲଗାଇବା ଦ୍ୱାରା ମୁହଁର ବିଭିନ୍ନ ଦାଗ ଦୂର ହୋଇଥାଏ। ମୁହଁର ଚର୍ମ କୋମଳ ହୋଇଥାଏ।
Comments are closed.