ମୁମ୍ବଇ : ବଲିଉଡ଼ ଅଭିନେତା ସଲମାନ୍ ଖାନ୍ଙ୍କ ଅଭିନୀତ ଆଗାମୀ ଚଳଚ୍ଚିତ୍ର ‘ଦବଙ୍ଗ୍-୩’ର ନୂଆ ପୋଷ୍ଟର ମଙ୍ଗଳବାର ସାମ୍ନାକୁ ଆସିଛି। ଏଥିରେ ମହେଶ ମାଞ୍ଜରେକରଙ୍କ ଝିଅ ସଈ ମାଞ୍ଜରେକରଙ୍କ ଲୁକ୍ ଦେଖିବାକୁ ମିଳିଛି। ଏହାସହିତ ଚଳଚ୍ଚିତ୍ରର ଟ୍ରେଲର ଆସନ୍ତା କାଲି ଅର୍ଥାତ୍ ବୁଧବାର ରିିଲିଜ୍ ହେବ ବୋଲି ସୂଚନା ଦିଆଯାଇଛି।
ସୂଚନାଯୋଗ୍ୟ, ଏହି ଚଳଚ୍ଚିତ୍ର ମାଧ୍ୟମରେ ସଈ ବଲିଉଡ଼ରେ ଏଣ୍ଟ୍ରି କରିଛନ୍ତି। ସଲମାନ ପୋଷ୍ଟର ସହ ଏହାର ମୋଶନ ପୋଷ୍ଟର ମଧ୍ୟ ଶେୟାର କରିଛନ୍ତି। ମୋଶନ ପୋଷ୍ଟରରେ ସଲମାନ ସଈଙ୍କ ଫଟୋ ଦେଖି କହୁଛନ୍ତି, “ଏ ହେଉଛି ଆମ ବେବି ଖୁସୀ, ତା’ ଖୁସୀ ପାଇଁ ମୁଁ କାହାକୁ ବି ଦୁଃଖୀ କରିପାରେ”। ସଈଙ୍କ ପୋଷ୍ଟରକୁ ସାମାଜିକ ଗଣମାଧ୍ୟମରେ ଦର୍ଶକଙ୍କ ଭଲ ପ୍ରତିକ୍ରିୟା ମିଳୁଛି।
‘ଦବଙ୍ଗ୍-୩’ରେ ଗୁରୁତ୍ୱପୂର୍ଣ୍ଣ ଭୂମିକାରେ ଅଭିନୟ କରିଥିବା ପ୍ରାୟ ସମସ୍ତ କଳାକାରଙ୍କ ଲୁକ୍ ସାମ୍ନାକୁ ଆସି ସାରିଛି। ‘ଦବଙ୍ଗ୍’ ସିରିଜ୍ର ସବୁ ଭାଗରେ ନୂଆ ଖଳନାୟକଙ୍କୁ ଦେଖିବାକୁ ମିଳେ। ଏଥର ଦକ୍ଷିଣ ଭାରତୀୟ ଅଭିନେତା କିଚ୍ଚା ସୁଦୀପ ଖଳନାୟକ ଭୂମିକାରେ ନଜର ଆସିବେ। ‘ଦବଙ୍ଗ୍-୩’ ଡିସେମ୍ବର ୨୦ରେ ପରଦାକୁ ଆସିବ।
