ନୂଆଦିଲ୍ଲୀ: ଭାରତ ସହ ନୌସେନାର ମିଳିତ ସମରାଭ୍ୟାସରେ ସାମଲି ହେବା ପାଇଁ ମାଳଦ୍ୱୀପ ମନା କରିଛି । ଆଣ୍ଡାମାନ ନିକୋବର ଦ୍ୱୀପ ନିକଟରେ ମାର୍ଚ ୬ ତାରିଖରୁ ଭାରତ ପକ୍ଷରୁ ନୌସେନା ସମରାଭ୍ୟାସ ‘ମିଲାନ’ ଆରମ୍ଭ ହେବ ଏଥିରେ ୧୬ଟି ଦେଶ ଅଂଶ ଗ୍ରହଣ କରିବେ । ମାତ୍ର କୌଣସି କାରଣ ନ ଦର୍ଶାଇ ମାଳ ଦ୍ୱୀପ ଏଥିରେ ସାମିଲ ହେବା ପାଇଁ ମନା କରି ଦେଇଥିବା କଥା ନୌସେନା ମୁଖ୍ୟ ଆଡମିରାଲ ସୁନୀଲ ଲାମ୍ବା ସୂଚନା ଦେଇଛନ୍ତି ।
ପ୍ରତି ଦୁଇ ବର୍ଷରେ ଏହି ନୌସେନା ସମରାଭ୍ୟାସ କରାଯାଇଥାଏ ।ଏବେ ଦକ୍ଷିଣ ଚୀନ ସାଗର ସହ ଭାରତ- ପ୍ରଶାନ୍ତ ମହାସାଗରୀୟ ଅଞ୍ଚଳରେ ଚୀନର ପ୍ରଭାବ ବିସ୍ତାର ପାଉଥିବାରୁ ଏହି ନୌସେନା ସମରାଭ୍ୟାସ କରାଯାଉଥିବା ଜଣା ପଡିଛି ।
- Advertisement -
ଏହା ସହ ଭାରତ ମହାସାଗରରେ ଥିବା ବିଭିନ୍ନ ଦେଶ ମଧ୍ୟରେ ସହଯୋଗ ବୃଦ୍ଧି ସହ ଆଞ୍ଚଳିକ ବୈଷମତା ଦୂର କରିବା ପାଇଁ ଏହି ନୌସେନା ସମରାଭ୍ୟାସର ଆୟୋଜନ କରାଯାଇଛି ।
