କଟକ: ଟ୍ରକ୍କା ଧକ୍କାରେ ରେଭେନ୍ସା ଛାତ୍ରୀ ମୃତ୍ୟୁକୁ ନେଇ ଉତ୍ତେଜନା ଲାଗି ରହିଛି । ଟ୍ରକ୍କ ଚାଳକକୁ ଗିରଫ ଦାବିରେ ଶତାଧିକ ଛାତ୍ରଛାତ୍ରୀମାନେ କଲେଜ ଛକ ନିକଟରେ ଶୁକ୍ରବାର ରାସ୍ତା ଅବରୋଧ କରିଛନ୍ତି । ଏହା ସହ ଛତ୍ର ବଜାରରୁ ଆସୁଥିବା ଭାରୀଯାନ ଚଳାଚଳ ସମ୍ପୂର୍ଣ୍ଣ ବନ୍ଦ ଏବଂ ମୃତ ଛାତ୍ରୀଙ୍କ ପରିବାରକୁ ୫୦ ଲକ୍ଷ ଟଙ୍କା କ୍ଷତିପୂରଣ ଦେବାକୁ ଆନ୍ଦୋଳନରତ ଛାତ୍ରଛାତ୍ରୀମାନେ ଦାବି କରିଛନ୍ତି ।
ସୂଚନାଯୋଗ୍ୟ, ରେଭେନ୍ସା ବିଶ୍ବବିଦ୍ୟାଳୟର ଅନ୍ନପୂର୍ଣ୍ଣା ଚୌଧୁରୀ ନାମକ ଯୁକ୍ତତିନି ଶେଷ ବର୍ଷର ଜଣେ ଛାତ୍ରୀ କ୍ଲାସ ସାରି ଘରକୁ ଫେରୁଥିବା ବେଳେ ଗୁରୁବାର ଅପରାହ୍ନ ୧ଟା ୧୭ ମିନିଟରେ ଏକ ଟ୍ରକ୍କା ତାଙ୍କୁ ଧକ୍କା ଦେଇ ଚଢିଯାଇଥିଲା। ଫଳରେ ଘଟଣାସ୍ଥଳରେ ହିଁ ତାଙ୍କର ମୃତ୍ୟୁ ହୋଇଥିଲା। ଏହାକୁ ନେଇ କଲେଜ ଛକରେ ଉତ୍ତେଜନା ପ୍ରକାଶ ପାଇବା ପରେ ପ୍ରାୟ ଦୁଇ ଘଣ୍ଟା ରାସ୍ତାରୋକ ହୋଇଥିଲା।
ଦୁର୍ଘଟଣାରେ ରେଭେନ୍ସା ଛାତ୍ରୀଙ୍କ ମୃତ୍ୟୁ ଘଟଣା; ଛାତ୍ରଛାତ୍ରୀଙ୍କ ରାସ୍ତାରୋକ ଆନ୍ଦୋଳନ ଜାରି
Popular Categories
Previous article
Next article