ନୂଆଦିଲ୍ଲୀ : ଭାରତର ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଆଜି(ଗୁରୁବାର) ଭାରତରେ ନୂତନ ସଂସଦ ଗୃହର ଭିତ୍ତିପ୍ରସ୍ତର ସ୍ଥାପନ କରୁଛନ୍ତି। ଚାରି ମହଲା ବିଶିଷ୍ଟ ନୂତନ ସଂସଦ ଭବନ ୬୪ହଜାର ୫୦ ବର୍ଗ ମିଟର ଅଞ୍ଚଳରେ ନିର୍ମିତ ହେବ। ଯାହାର ଆନୁମାନିକ ମୂଲ୍ୟ ୯୭୧କୋଟି ଟଙ୍କା ହେବ। ତେବେ ନୂଆ ସଂସଦ ଭବନକୁ ପେପରଲେସ୍ କରିବା ଉପରେ ଗୁରୁତ୍ୱ ଦିଆଯାଇଛି । ଏଥିପାଇଁ ପ୍ରତ୍ୟେକ ସାଂସଦଙ୍କୁ ଡିଜିଟାଲ ସୁବିଧା ଯୋଗାଇ ଦିଆଯିବ । ନୂତନ ସଂସଦ ଗୃହକୁ ସବୁ କ୍ଷେତ୍ରରେ ସୁନ୍ଦର କରିବାକୁ ଚେଷ୍ଟା କରାଯାଇଛି। ତେବେ ବିଶ୍ୱରେ ଏପରି ଅନେକ ସଂସଦ ଗୃହ ରହିଛି ଯାହା ଦେଖିବା ପାଇଁ ବହୁତ ଆକର୍ଷଣୀୟ।
ତେବେ ଆସନ୍ତୁ ଜାଣିବା ବିଶ୍ବର ୭ଟି ସୁନ୍ଦର ସଂସଦ ଭବନ ବିଷୟରେ….
ବ୍ରିଟେନ ସଂସଦ ଭବନ
ବ୍ରିଟେନର ପ୍ୟାଲେସ୍ ଅଫ୍ ୱେଷ୍ଟମିନିଷ୍ଟର ବିଶ୍ବର ସମସ୍ତ ସାଂସଦ ଭବନର ମୂଳଦୁଆ ଭାବେ ବିବେଚନା କରାଯାଏ। ଫେମସ ନଦୀ କୂଳରେ ନିର୍ମିତ ଏହି ସଂସଦ ଗୃହକୁ ଚାର୍ଲ୍ସ ବେରୀ ଏବଂ ଅଗଷ୍ଟସ୍ ୱେଲବି ପୁଗିନ୍ ଡିଜାଇନ୍ କରିଥିଲେ। ଏହି କୋଠାର ସୌନ୍ଦର୍ଯ୍ୟ ସମଗ୍ର ବିଶ୍ୱରୁ ପର୍ଯ୍ୟଟକଙ୍କୁ ଆକର୍ଷିତ କରିଥାଏ | ୱେଷ୍ଟମିନିଷ୍ଟର୍ ପ୍ୟାଲେସ୍ ତିନୋଟି ଟାୱାରକୁ ନେଇ ଗଠିତ, ଯାହା ଏଲିଜାବେଥ୍ ଟାୱାର୍, ନ୍ୟୁ ପ୍ୟାଲେସ୍ ଏବଂ ହାଉସ୍ ଅଫ୍ କମନ୍ସ ଭାବରେ ଜଣାଶୁଣା। ଏହାର ଅନନ୍ୟ ଡିଜାଇନ୍ ହେତୁ ୧୯୮୭ ମସିହାରୁ ଏହି ବିଲ୍ଡିଂ ୟୁନେସ୍କୋ ବିଶ୍ୱ ଐତିହ୍ୟ ସ୍ଥଳର ଏକ ଅଂଶ ଅଟେ।
ଶ୍ରୀଲଙ୍କା ସଂସଦ ଭବନ
ଶ୍ରୀଲଙ୍କାର ସଂସଦ ଭବନ ମଧ୍ୟ ବିଶ୍ୱର ସର୍ବୋତ୍ତମ ସଂସଦ ଭବନ ମଧ୍ୟରେ ଗଣାଯାଏ । ଏହି କୋଠାର ନିର୍ମାଣ ପାଇଁ ଚାରି ବର୍ଷ ସମୟ ଲାଗିଥିଲା ଏବଂ ଏହାର ମାନଚିତ୍ର ଶ୍ରୀଲଙ୍କାର ସ୍ଥପତି ଜୋଫ୍ରି ବାୱାଙ୍କ ଦ୍ୱାରା ଅଙ୍କାଯାଇଥିଲା। ଶ୍ରୀଲଙ୍କା ବୌଦ୍ଧ ଭବନ ବ୍ୟତୀତ ଏହାର ଯଥେଷ୍ଟ ମର୍ଡେନ୍ ଛାପ ରହିଛି। ଏହି କୋଠାର ସମସ୍ତ କବାଟ ରୂପା ପରି ଦେଖାଯାଏ। ଏହା ଏକ ହ୍ରଦ ନିକଟରେ ନିର୍ମିତ, ଯେଉଁଠାରୁ ପ୍ରକୃତିର ଏକ ସୁନ୍ଦର ଦୃଶ୍ୟ ଦୃଶ୍ୟମାନ ହୋଇଥାଏ।
ବାଂଲାଦେଶ ସଂସଦ ଭବନ
ଏସୀୟ ଦେଶଗୁଡିକର ସଂସଦଗୁଡିକ ଅତ୍ୟନ୍ତ ସୁନ୍ଦର ହୋଇଥାଏ। ସେଥିମଧ୍ୟରୁ ଗୋଟିଏ ହେଉଛି ବାଂଲାଦେଶର ସଂସଦ ଭବନ। ଢାକାରେ ଅବସ୍ଥିତ ଏହି କୋଠାଟି ଏକ କୃତ୍ରିମ ହ୍ରଦ କୂଳରେ ନିର୍ମିତ ହୋଇଛି।
ରୋମାନିଆ ସଂସଦ ଭବନ
ୟୁରୋପୀୟ ଦେଶ ରୋମାନିଆର ସଂସଦ ଗୃହ ହେଉଛି ସବୁଠାରୁ ଶକ୍ତିଶାଳୀ ସଂସଦ ଭବନ। ବୁଖାରେଷ୍ଟରେ ଅବସ୍ଥିତ ଏହି କୋଠାଟିକୁ ଏନକା ପାଟ୍ରିସିଆଙ୍କ ଦ୍ୱାରା ଡିଜାଇନ୍ କରାଯାଇଥିଲା। ୨୦ହଜାର ସୈନିକ ଏବଂ କଏଦେୀମାନେ ଦିନ ରାତି ପରିଶ୍ରମ କରି ଏହି କୋଠା ନିର୍ମାଣ କରିଥିଲେ। ଏହି ସଂସଦ ଗୃହର ଭିତର ଅଂଶ ମାର୍ବଲରେ ନିର୍ମିତ। ଆପଣ ଜାଣି ଆଶ୍ଚର୍ଯ୍ୟ ହେବେ ଯେ, ଏହି ବିଲ୍ଡିଂରେ ୮ଟି ଗୁପ୍ତଚର ଟନେଲ ରହିଛି। ଯାହା ଦ୍ବାରା ସାଂସଦମାନେ ଜରୁରୀକାଳୀନ ପରିସ୍ଥିତିରେ ବାହାରକୁ ଆସିପାରିବେ।
ସ୍କଟଲ୍ୟାଣ୍ଡ
ସ୍କଟଲ୍ୟାଣ୍ଡର ସଂସଦ ଭବନ ମଧ୍ୟ ବହୁତ ସୁନ୍ଦର। ଅନେକ ଅଟ୍ଟାଳିକାରେ ନିର୍ମିତ ଏହି କୋଠାର ବିଶେଷତ୍ୱ ହେଉଛି ସମସ୍ତ ଅଟ୍ଟାଳିକା ପରସ୍ପରଠାରୁ ସମ୍ପୂର୍ଣ୍ଣ ଭିନ୍ନ। ଏହି ସଂସଦ ଗୃହର ମାନଚିତ୍ରକୁ ବାସ୍ତୁବିଦ୍ ଏନ୍ରିକ୍ ମିରାଲାସ୍ ପ୍ରସ୍ତୁତ କରିଥିଲେ, କିନ୍ତୁ ନକ୍ସା ପ୍ରସ୍ତୁତ ହେବାପରେ ତାଙ୍କର ମୃତ୍ୟୁ ହୋଇଥିଲା। ତଥାପି, ନକ୍ସାରେ ପରିବର୍ତ୍ତନ ନକରି ସେହିଭଳି ନିର୍ମାଣ କରାଯାଇଥିଲା।
ଜର୍ମାନ
ଜର୍ମାନୀର ସଂସଦ ଭବନ ମଧ୍ୟ ବହୁତ ସୁନ୍ଦର। ଜର୍ମାନୀର ରାଜଧାନୀ ବର୍ଲିନରେ ଅବସ୍ଥିତ ଏହି କୋଠାଟି ୧୮୮୪-୧୮୯୪ରେ ନିର୍ମିତ ହୋଇଥିଲା। ହିଟଲରଙ୍କ ସମୟରେ ଏଥିରେ ବହୁତ ପରିବର୍ତ୍ତନ କରାଯାଇଥିଲା।
ଫିନଲ୍ୟାଣ୍ଡର ସଂସଦ ଭବନ
ଫିନଲ୍ୟାଣ୍ଡର ସଂସଦ ଭବନ ମଧ୍ୟ ବହୁତ ସୁନ୍ଦର ଏବଂ ଶକ୍ତିଶାଳୀ। ଏହି କୋଠାଟି ଗ୍ରାନାଇଟ୍ ପଥରରେ ନିର୍ମିତ ହୋଇଛି।
Comments are closed.