ଲାଞ୍ଜିଗଡ଼: ଲାଞ୍ଜିଗଡ ପୁଲିସ ପକ୍ଷରୁ ନିୟମିତ ଯାଞ୍ଚ କରାଯାଉଥିବାବେଳେ ମଦ ପିଇ ଗାଡ଼ି ଚଳାଇବା ମାମଲାରେ ୫ଜଣ ବାଇକ୍ ଆରୋହୀଙ୍କୁ ଗିରଫ କରାଯାଇଛି।
ପୁଲିସ ସୂତ୍ରରୁ ମିଳିଥିବା ସୂଚନାନୁଯାୟୀ, ଲାଞ୍ଜିଗଡ଼ ଥାନା ଅନ୍ତର୍ଗତ ପ୍ରତାପପୁର ଗାଁର ରାଜୁ ଦୋରା, ପୋଲସରା ଗଞ୍ଜାମ ଅଞ୍ଚଳର କାଳିଆ ପ୍ରଧାନ, ବିଲାଟିପଦରର ପ୍ରମୋଦ ମାଝୀ, ସଦର ବ୍ଲକ ଯମୁନାବାହାଲର କୁଳ ବଗତି, ଲାଞ୍ଜିଗଡ଼ ରାଜାପଡ଼ାର କୁନୁ ଗଉଡଙ୍କୁ ଗିରଫ କରିବା ସହିତ ସେମାନେ ଚଳାଉଥିବା ବାଇକକୁ ମଧ୍ୟ ଜବତ କରାଯାଇଛି। ସେହିପରି ବିନା ଡ୍ରାଇଭିଂ ଲାଇସେନ୍ସରେ ଗାଡି ଚଳାଇବା ଅଭିଯୋଗରେ ବିଶ୍ଵନାଥପୁର ଥାନା ଅଞ୍ଚଳର ସଲପାଙ୍ଗର କଳ୍ପ ମାଝୀ ନାମକ ଜଣେ ବ୍ୟକ୍ତିଙ୍କୁ ଗିରଫ କରାଯାଇଛି। ଏହି ଯାଞ୍ଚ ଲାଞ୍ଜିଗଡ ଥାନାଧିକାରୀ ସତ୍ୟାନନ୍ଦ ପାତ୍ରଙ୍କ ନିର୍ଦେଶରେ ହୋଇଥିଲା। ଶ୍ରୀ ପାତ୍ର କହିବା ଅନୁଯାୟୀ ଆଗକୁ ନାବାଳକ ଗାଡ଼ି ଚଳାଉଥିଲେ ସେଥିପାଇଁ କଠୋର ଦଣ୍ଡବିଧାନ କରାଯିବ ବୋଲି ପ୍ରକାଶ କରିଛନ୍ତି।
Comments are closed.