ଚୀନରେ ପୁଣି ୪୨ ନୂଆ କରୋନା ଆକ୍ରାନ୍ତ ଚିହ୍ନଟ, ଦେଖିବାକୁ ମିଳୁନି କୌଣସି ଲକ୍ଷଣ

ଉହାନ: ଚୀନରେ ଶୁକ୍ରବାର ପୁଣି ୪୨ ନୂଆ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି। ଫଳରେ ଦେଶରେ ସଂକ୍ରମିତଙ୍କ ସଂଖ୍ୟା ୮୧ ହଜାର ୯୦୭ରେ ପହଞ୍ଚିଛି। ୪୨ ନୂଆ ଆକ୍ରାନ୍ତଙ୍କ ମଧ୍ୟରୁ ୪ ଜଣ ସ୍ଥାନୀୟ ନାଗରିକ ହୋଇଥିବାବେଳେ ୩୮ ଜଣ ବିଦେଶ ଫେରନ୍ତା। ସନ୍ଦେହରେ ପରୀକ୍ଷା କରାଯିବା ପରେ ସେମାନଙ୍କଠାରେ ଭୂତାଣୁ ଚିହ୍ନଟ ହୋଇଛି। ଏହା ପରେ ଚୀନ ସରକାର ଏବେ ପୁଣି ଥରେ ସୁସ୍ଥ ହୋଇଥିବା ଲୋକଙ୍କ ସ୍ବାସ୍ଥ୍ୟ ପରୀକ୍ଷା କରିବାକୁ ନିଷ୍ପତ୍ତି ନେଇଛନ୍ତି। ଏହାଦ୍ବାରା ଏହି ମହାମାରୀ ଭୂତାଣୁ ପୁଣି ଥରେ ଲେଉଟିବା ଉପରେ ରୋକ୍‌ ଲଗାଯାଇପାରିପବ ବୋଲି ଚୀନ ସ୍ବାସ୍ଥ୍ୟ ଆୟୋଗ ପକ୍ଷରୁ କୁହାଯାଇଛି। ଗତ ଗୁରୁବାର ମଧ୍ୟ ଚୀନରେ ୬୩ ନୂଆ ଆକ୍ରାନ୍ତ ଚିହ୍ନଟ ହୋଇଥିଲେ। ମୋଟ ୧୦୫ ଆକ୍ରାନ୍ତଙ୍କ ମଧ୍ୟରୁ ୪୭ ଜଣଙ୍କଠାରେ କୌଣସି ଲକ୍ଷଣ ଦେଖିବାକୁ ମିଳି ନ ଥିଲା ବୋଲି କୁହାଯାଇଛି।