ମୁମ୍ବଇ: ଚଳିତବର୍ଷ ମହାରାଷ୍ଟ୍ର ବିଧାନସଭା ନିର୍ବାଚନ ହେବାକୁ ଯାଉଥିବାବେଳେ ବିରୋଧୀ ଦଳ କଂଗ୍ରେସ ଓ ଏନସିପିର ୪ ଜଣ ବିଧାୟକ ମଙ୍ଗଳବାର ରାଜ୍ୟ ବିଧାନସଭାରୁ ଇସ୍ତଫା ଦେଇଛନ୍ତି। ଏହି ବିଧାୟକମାନେ ହେଲେ ଏନସିପିର ଶିବେନ୍ଦ୍ର ସିଂହରାଜ ଭୋସଲେ (ସତାରା), ବୈଭବ ପିଚାଡ(ଆକୋଲେ) ଏବଂ ସନ୍ଦୀପ ନାଏକ (ଆଇରୋଲି) ଏବଂ କଂଗ୍ରେସ ବିଧାୟକ କାଳିଦାସ କୋଲାମ୍ବକାର (ନୈଗାଓଁ)। ଏମାନେ ପୃଥକ ଭାବେ ନିଜ ନିଜର ଇସ୍ତଫାପତ୍ର ବାଚସ୍ପତି ହରିବନ୍ଧୁ ବାଗାଡେଙ୍କୁ ଦକ୍ଷିଣ ମୁମ୍ବଇସ୍ଥିତ ବିଧାନଭବନଠାରେ ହସ୍ତାନ୍ତର କରିଛନ୍ତି। ଲୋକସଭା ନିର୍ବାଚନରେ ବିଜେପିର ସଫଳତାକୁ ଦେଖି ବୁଧବାର ଏମାନେ ଏହି ଦଳରେ ସାମିଲ ହେବେ ବୋଲି କୁହାଯାଉଛି। ରାଜ୍ୟରେ ଦୁଇ ମାସ ପରେ ବିଧାନସଭା ନିର୍ବାଚନ ଅନୁଷ୍ଠିତ ହେବ। ବିଜେପି ଏହାର ମିତ୍ର ଦଳଗୁଡିକ ସହିତ ୨୮୮ ଆସନ ବିଶିଷ୍ଟ ବିଧାନସଭାେର ୨୨୦ଟି ଜିତିବାକୁ ଲକ୍ଷ୍ୟ ରଖିଛି। ନିକଟରେ ଏନସିପିର ମୁମ୍ବଇ ୟୁନିଟ ମୁଖ୍ୟ ସଚିନ ଆହିର ନିକଟରେ ଦଳ ଛାଡି ଶିବସେନାେର ଯୋଗ ଦେଇଛନ୍ତି। ଗତ ମେ’ରେ ଏନସିପି ନେତା ତଥା ପୂର୍ବତନ ମନ୍ତ୍ରୀ ଜୟଦତ୍ତ କଶିରସାଗର ଶିବସେନାରେ ଯୋଗ ଦେଇଥିଲେ।
Comments are closed.