ନୂଆଦିଲ୍ଲୀ : ଲୋକସେବକ ମଣ୍ଡଳର ନୂତନ ଆଜୀବନ ସଦସ୍ୟ ଭାବେ ରମାନାଥ ଝା, ଜ୍ୟୋତିପ୍ରକାଶ ବର୍ମା, ଅଶୋକ କୁମାର ଜୈନ ଓ ହରବଂଶ ଲାଲ ଡଙ୍କଲ ମନୋନୀତ ହୋଇଛନ୍ତି। ଲୋକସେବକ ମଣ୍ଡଳର ରାଷ୍ଟ୍ରୀୟ ସଭାପତି ଶ୍ରୀ ରାଜକୁମାରଙ୍କ ଅଧ୍ୟକ୍ଷତାରେ ନଭେମ୍ବର ୨୫ରେ ସ୍ଥାନୀୟ ଲଜପତ ଭବନ ଠାରେ ଅନୁଷ୍ଠିତ ଲୋକସେବକ ମଣ୍ଡଳ କାର୍ଯ୍ୟନିର୍ବାହୀ ପରିଷଦ ବୈଠକରେ ଅନୁଷ୍ଠାନର ଆଜୀବନ ସଦସ୍ୟ ଭାବେ ବ୍ୟକ୍ତିବିଶେଷ ମଣ୍ଡଳରେ ସାମିଲ ହେବା ଦ୍ୱାରା ଅନୁଷ୍ଠାନର କାର୍ଯ୍ୟଦକ୍ଷତାରେ ବୃଦ୍ଧି ଘଟିବ। ସଂସ୍ଥାର ବିଭିନ୍ନ କାର୍ଯ୍ୟଗୁଡ଼ିକୁ ନୂଆ ଉର୍ଜା ଓ ଦିଗ ମିଳିବ। ଲୋକସେବକ ମଣ୍ଡଳର ଉଚ୍ଚ ପରମ୍ପରା ଅନୁଯାୟୀ ସେବା, ସାଧୁତା ଏବଂ ଲୋକକଲ୍ୟାଣ ଭାବନାକୁ ନୂତନ ସଦସ୍ୟଗଣ ଆଗକୁ ବଢ଼଼଼ାଇବେ ବୋଲି ଶ୍ରୀ ରାଜକୁମାର ଆଶାପ୍ରକାଶ କରିଛନ୍ତି। ରାଷ୍ଟ୍ରୀୟ ଉପସଭାପତି ଶ୍ରୀ ଦୀପକ ମାଲବ୍ୟ ୪ ନୂତନ ସଦସ୍ୟଙ୍କ ମନୋନୟନକୁ ନେଇ ଖୁସିବ୍ୟକ୍ତ କରିଛନ୍ତି। ଏହାଦ୍ୱାରା ଅନୁଷ୍ଠାନର ଜନକଲ୍ୟାଣକାରୀ କାର୍ଯ୍ୟ ସହଜରେ ହିତାଧିକାରୀଙ୍କ ନିକଟରେ ପହଞ୍ଚିପାରିବ ବୋଲି ସେ ଆଶାବ୍ୟକ୍ତ କରିଛନ୍ତି। ରାଷ୍ଟ୍ରୀୟ ସମ୍ପାଦକ ଶ୍ରୀ ରାଜେନ୍ଦ୍ର କୁମାର ଜେନା କହିଛନ୍ତି ଯେ, ଆଗାମୀ ଦିନରେ ସମଗ୍ର ଦେଶରେ ଲୋକସେବକ ମଣ୍ଡଳ କାର୍ଯ୍ୟ ବିସ୍ତାରରେ ଉପରୋକ୍ତ ଏହି ନୂତନ ଆଜୀବନ ସଦସ୍ୟଗଣଙ୍କ ଭୂମିକା ମହତ୍ୱପୂର୍ଣ୍ଣ ରହିବ।
Popular Categories
Previous article
Next article