କଟକ : ରକ୍ତ ଯୋଗାଇବା ଆଳରେ ରୋଗୀ ଏବଂ ସମ୍ପର୍କୀୟଙ୍କଠାରୁ ଟଙ୍କା ଠକି ନେଉଥିବା ୪ଜଣ ଦଲାଲଙ୍କୁ ମଙ୍ଗଳବାର ପୁଲିସ ଗିରଫ କରିଛି। ଅଭିଯୁକ୍ତମାନେ ହେଲେ ବିଡାନାସୀ ନୂଆସାହିର ନିଖିଲ ସେନାପତି, ଆଠଗଡ଼ କରିକମଳର ନେତାଜୀ ଦାସ ଓରଫ ଲକି , ଢେଙ୍କାନାଳ ଟାଉନ ଥାନା କାଠଗଡ଼ା ଅଞ୍ଚଳର ସୁଜିତ କୁମାର ପଣ୍ଡା ଓ ରାଣୀହାଟ ଗୋପାଳ ସାହିର ଅଜୟ ମହାପାତ୍ର । ବଡ ଡାକ୍ତରଖାନାରେ ଚିକିତ୍ସିତ ହେଉଥିବା ଜଣେ ରୋଗୀଙ୍କ ଅସ୍ତ୍ରୋପଚାର ପାଇଁ ରକ୍ତ ଆବଶ୍ୟକ ଥିବା ଡାକ୍ତର କହିଥିଲେ। ରୋଗୀର ସମ୍ପର୍କୀୟ ରକ୍ତ ଆଣିବା ଲାଗି ଡାକ୍ତରଖାନା ପରିସରସ୍ଥ ରକ୍ତ ଭଣ୍ଡାରକୁ ଯାଇଥିଲେ। ସେଠାରେ ଛିଡା ହୋଇଥିବା ଦୁଇ ଯୁବକ ତାଙ୍କୁ ରକ୍ତ ଯୋଗାଇଦେବେ ବୋଲି କହିଥିଲେ। ଏଥିପାଇଁ ଜଣେ ରକ୍ତଦାତା ତଥା ୟୁନିଟ ପିଛା ୧୫ଶହ ଟଙ୍କା ହିସାବରେ ରକ୍ତ ଦେବେ ବୋଲି ସେମାନେ ତାଙ୍କୁ କହିଥିଲେ। ଟଙ୍କା ମୂଲଚାଲ ଚାଲିଥିବା ବେଳେ ଖବର ପାଇ ଫାଣ୍ଡି ପୁଲିସ ଚଢ଼ଉ କରି ୪ ଜଣଙ୍କୁ କାବୁ କରିନେଇଥିଲା। ସେମାନେ ରକ୍ତ ଯୋଗାଇ ଦେବା ଆଳରେ ଦଲାଲି କରୁଥିବା ସ୍ୱୀକାର କରିଥିଲେ।
Popular Categories
Previous article
Next article