ମୁଖୀଗୁଡା: କଳାହାଣ୍ଡି ଜିଲ୍ଲା ଜୟପାଟଣା ବ୍ଲକରେ ଶନିବାର ତ୍ରିସ୍ତରୀୟ ପଞ୍ଚାୟତ ନିର୍ବାଚନର ବ୍ଲକ ଅଧ୍ୟକ୍ଷ ନିର୍ବାଚନ ଶାନ୍ତିଶୃଙ୍ଖଳାର ସହିତ ଅନୁଷ୍ଠିତ ହୋଇଛି । ଉଛୁଳା ଗ୍ରାମପଞ୍ଚାୟତ ସମିତି ସଭ୍ୟ ଥବିର ବାଗ ନିର୍ଦ୍ୱନ୍ଦରେ ଜୟପାଟଣା ବ୍ଲଜ ଅଧ୍ୟକ୍ଷ ଭାବେ ନିର୍ବାଚିତ ହୋଇଛନ୍ତି । ବିଗତ ୧୫ ବର୍ଷ ତଳୁ ରାଜନୀତିରେ ପ୍ରବେଶ କରିଥିବା ଶ୍ରୀ ବାଗ ୨୦୦୭ରେ ପ୍ରଥମେ ଥର ପାଇଁ ଭଇଁରିପାଲି ପଞ୍ଚାୟତ ସରପଞ୍ଚ ନିର୍ବାଚିତ ହୋଇଥିଲେ ।୨୦୧୨ରେ ତାଙ୍କର ଧର୍ମପତ୍ନୀ ବାଲମତି ବାଗ ଜୟପାଟଣା ବ୍ଲକ ଅଧ୍ୟକ୍ଷା ହୋଇଥିଲେ । ପୁଣି ଶ୍ରୀ ବାଗ ୨୦୧୭ ରେ ଭଇଁରିପାଲି ସରପଞ୍ଚ ନିର୍ବାଚିତ ହୋଇ ୨୦୨୨ ପର୍ଯ୍ୟନ୍ତ ସୁଚାରୁରୂପେ କାର୍ଯ୍ୟ ସମ୍ପାଦନ କରିଛନ୍ତି । ତେବେ ଚଳିତ ନିର୍ବାଚନରେ ସେ ଉଛୁଲା ପଞ୍ଚାୟତରୁ ନିର୍ଦ୍ୱନ୍ଦ୍ବରେ ସମିତି ସଭ୍ୟ ନିର୍ବାଚିତ ହୋଇ ବ୍ଲକ ଅଧ୍ୟକ୍ଷ ପଦ ପାଇଁ ମନୋନୟନ ପତ୍ର ଦାଖଲ କରିଥିଲେ।ତାଙ୍କ ବିପକ୍ଷରେ କେହି ପ୍ରତିଦ୍ବନ୍ଦି ବାହାରି ନଥିବା ବେଳେ ସେ ନିର୍ଦ୍ୱନ୍ଦ୍ବରେ ବ୍ଲକ ଅଧ୍ୟକ୍ଷ ନିର୍ବାଚିତ ହୋଇଛନ୍ତି । ଦାୟିତ୍ୱ ଗ୍ରହଣ କଲା ପରେ ସେ ଜନସାଧାରଣଙ୍କ ମୌଳିକ ସୁବିଧା ସହ ସାରା ରାଜ୍ୟରେ ଜୟପାଟଣା ବ୍ଲକକୁ ଏକ ଦୁର୍ନୀତି ମୁକ୍ତ ଏବଂ ଆଦର୍ଶ ବ୍ଲକରେ ଗଢିତୋଳିବା ମୋର ମୂଳ ଲକ୍ଷ୍ୟ ବୋଲି କହିଛନ୍ତି ।
