ନୂଆଦିଲ୍ଲୀ: ଅର୍ଥମନ୍ତ୍ରୀ ନିର୍ମଳା ସୀତାରମଣ ଗୁରୁବାର ଅପରାହ୍ନ ୪ଟାରେ ସାମ୍ବାଦିକ ସମ୍ମିଳନୀ କରିବେ। ୨୦ ଲକ୍ଷ କୋଟି ଟଙ୍କାର ଆର୍ଥିକ ପ୍ୟାକେଜରେ ରହିଥିବା ବଳକା ଅର୍ଥ କେଉଁ କ୍ଷେତ୍ରରେ ବିନିଯୋଗ ହେବ ସେ ନେଇ ଅର୍ଥମନ୍ତ୍ରୀ ଘୋଷଣା କରିବେ। ତେବେ କୃଷି କ୍ଷେତ୍ର ଏବଂ ଏହା ସହିତ ଜଡ଼ିତ କାର୍ଯ୍ୟକଳାପ ପାଇଁ ସ୍ବତନ୍ତ୍ର ଆର୍ଥିକ ପ୍ୟାକେଜ ଘୋଷଣା ହୋଇପାରେ। ଏହା ସହିତ ଯୋଗାଣ ଶୃଙ୍ଖଳାରେ ସୁଧାର ଆଣିବା ଲାଗି ମୋଦୀ ସରକାରଙ୍କ ପକ୍ଷରୁ ସହାୟତା ଘୋଷଣା କରାଯାଇପାରେ।
ସୂଚନାଯୋଗ୍ୟ, ଆତ୍ମନିର୍ଭରଶୀଳ ଭାରତ ଅଭିଯାନ ପାଇଁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଗତ ମଙ୍ଗଳବାର ୨୦ ଲକ୍ଷ କୋଟି ଟଙ୍କାର ପ୍ୟାକେଜ ଘୋଷଣା କରିଥିଲେ। ବୁଧବାର ଅର୍ଥମନ୍ତ୍ରୀ ପ୍ରଥମ ପର୍ଯ୍ୟାୟରେ ବିଭିନ୍ନ କ୍ଷେତ୍ର ପାଇଁ ଆର୍ଥିକ ପ୍ୟାକେଜ ଘୋଷଣା କରିଥିଲେ। ଏମଏସଏମଇ କ୍ଷେତ୍ରକୁ ବଡ଼ ସହାୟତା ଘୋଷଣା ହୋଇଥିଲା। ଆଜି ଉକ୍ତ ପ୍ୟାକେଜଣ ୨ୟ ପର୍ଯ୍ୟାୟ ସୂଚନା ଅର୍ଥ ମନ୍ତ୍ରଣାଳୟ ପକ୍ଷରୁ ଦିଆଯିବ।
