ପାଟନା: ନିର୍ବାଚନ ଯେତିକି ପାଖେଇ ଆସୁଛି ନେତାଙ୍କ ଦଳ ବଦଳ ସେତିକି ବଢିବାରେ ଲାଗିଛି। ନିର୍ବାଚନ ଥିବାବେଳେ ବିହାରରେ ଲୋକ ଜନଶକ୍ତି ପାର୍ଟି(ରାମ ବିଲାଶ)ର ନେତା ଚିରାଗ ପାଶୱାନଙ୍କୁ ଲାଗିଛି ଶକ୍ତ ଝଟକା। ପ୍ରାର୍ଥୀ ଚୟନରେ ଚିରାଗଙ୍କ ନିଷ୍ପତିରେ ଅସନ୍ତୋଷ ବ୍ୟକ୍ତ କରି ଏକାଥରରେ ୨୨ଜଣ ନେତା ଦଳରୁ ଇସ୍ତଫା ଦେଇଛନ୍ତି। ସେମାନଙ୍କ ମଧ୍ୟରେ ରାଷ୍ଟ୍ରୀୟ ଓ ପ୍ରଦେଶ ପଦାଧିକାରୀ ସାମିଲ ଅଛନ୍ତି। ଦୀର୍ଘ ବର୍ଷ ଧରି ଦଳରେ ରହି କାର୍ଯ୍ୟ କରିବା ସତ୍ୱେ ସେମାନଙ୍କ ବଦଳରେ ବାହାର ନେତାଙ୍କୁ ଦଳ ଟିକେଟ ଦେଉଥିବାରୁ କାର୍ଯ୍ୟକର୍ତ୍ତାଙ୍କ ମଧ୍ୟରେ ଅସନ୍ତୋଷ ବଢିଛି। ଏହି ୨୨ଜଣ ନେତା ଓ କର୍ମୀ ଦଳର ପ୍ରାଥମିକ ସଦସ୍ୟରୁ ଇସ୍ତଫା ଦେଇଛନ୍ତି। ଏହାସହିତ ଟଙ୍କା ବଦଳରେ ଚିରାଗ ପାଶୱାନ ଟିକେଟ ବିକ୍ରି କରୁଥିବା ଭଳି ଗମ୍ଭୀର ଅଭିଯୋଗ କରିଛନ୍ତି। ଗତ ଜୁଲାଇରେ ଚିରାଗ ପାଶୱାନ ଏନଡିଏରେ ସାମିଲ ହୋଇଥିଲେ। ବିହାରରେ ସମୁଦାୟ ୪୦ଟି ଲୋକସଭା ଆସନ ଥିବାବେଳେ ଲୋକ ଜନଶକ୍ତି ପାର୍ଟିର ନେତା ଚିରାଗ ପାଶୱାନଙ୍କୁ ୫ସିଟ୍ ମିଳିଛି।
Comments are closed.