ଡେସ୍କ: ୨୦୨୫ ମସିହା ଯୁକ୍ତ ଦୁଇ ପରୀକ୍ଷା ଫଳ ବୁଧବାର ପ୍ରକାଶ ପାଇଛି। ଆଜି ଭୁବନେଶ୍ୱର ଉଚ୍ଚ ମାଧ୍ୟମିକ ଶିକ୍ଷା ପରିଷଦ କାର୍ଯ୍ୟାଳୟରେ ଗଣଶିକ୍ଷା ମନ୍ତ୍ରୀ ନିତ୍ୟାନନ୍ଦ ଗଣ୍ଡ ପରୀକ୍ଷା ଫଳ ପୁସ୍ତିକା ଉନ୍ମୋଚନ କରିଛନ୍ତି। ଯୁକ୍ତ ଦୁଇ କଳା, ବିଜ୍ଞାନ, ବାଣିଜ୍ୟ ଓ ଧନ୍ଦାମୂଳକ ପରୀକ୍ଷାଫଳ ପ୍ରକାଶ ପାଇଛି। ପରୀକ୍ଷା ଫଳ results.odisha. gov. in ଓ results.digilocker.gov.inରେ ଉପଲବ୍ଧ ହେଉଛି।
ଯୁକ୍ତ ଦୁଇ ପରୀକ୍ଷାଫଳ ପ୍ରକାଶିତ, ଉତ୍ତୀର୍ଣ୍ଣ ହାର ୮୨.୭୭% Odisha +2 Exam 2025 result declared pic.twitter.com/DmnG8Fc1IY
— Samaja Live (@samajalive) May 21, 2025
ସୂଚନା ଅନୁଯାୟୀ, ଯୁକ୍ତ ଦୁଇରେ ୮୨.୭୭% ପାସ ରହିଛି। ଝିଅଙ୍କ ପାସ ହାର ୮୭.୨୪% ଓ ପୁଅଙ୍କ ପାସ ହାର ୭୭.୮୮% ରହିଛି। ମୋଟ୍ ୩ ଲକ୍ଷ ୯୩ ହଜାର ଛାତ୍ରଛାତ୍ରୀଙ୍କ ମଧ୍ୟରୁ ୩ ଲକ୍ଷ ୧୬ ହଜାର ୭୮୭ ପରୀକ୍ଷାର୍ଥୀ ଯୁକ୍ତ ଦୁଇ ପରୀକ୍ଷାରେ ଉତ୍ତୀର୍ଣ୍ଣ ହୋଇଛନ୍ତି। ସେମାନଙ୍କ ମଧ୍ୟରେ ୧ ଲକ୍ଷ ୪୨ ହଜାର ୫୧୬ ଜଣ ଛାତ୍ର ଓ ୧ ଲକ୍ଷ ୭୪ ହଜାର ୨୫୧ ଛାତ୍ରୀ ଅଛନ୍ତି। ଯୁକ୍ତ ଦୁଇ କଳାରେ ୮୦.୫୧% ଛାତ୍ରଛାତ୍ରୀ ଉତ୍ତୀର୍ଣ୍ଣ ହୋଇଥିବା ବେଳେ ବିଜ୍ଞାନରେ ୮୭.୪୯%, ବାଣିଜ୍ୟରେ ୮୩.୨% ଓ ଧନ୍ଦାମୂଳକରେ ୬୦% ଛାତ୍ରଛାତ୍ରୀ ପାସ୍ କରିଛନ୍ତି। ଯୁକ୍ତ ଦୁଇ କଳାରେ ୧୭୧ ଜଣ ୯୦%ରୁ ଅଧିକ ମାର୍କ ରଖିଥିବା ବେଳେ ବିଜ୍ଞାନରେ ୧ ହଜାର ୯୦୬ ଜଣ ଓ ବାଣିଜ୍ୟରେ ୨୦୪ ଜଣ ୯୦%ରୁ ଅଧିକ ମାର୍କ ରଖିଛନ୍ତି।
