ମୁମ୍ବଇ : ରବିବାର ମୁକ୍ତିଲାଭ କରିଛି ‘୨.୦’ ର ପ୍ରଥମ ଗୀତ ‘ତୁ ହି ରେ…’। ଏହି ଗୀତକୁ ହିନ୍ଦୀ ଓ ତାମିଲ ଦୁଇଟି ଭାଷାରେ ମୁକ୍ତିଲାଭ କରାଯାଇଛି। ଅକ୍ଷୟ କୁମାର ଓ ରଜନୀକାନ୍ତଙ୍କ ଅଭିନୀତ ଏହି ଚଳଚ୍ଚିତ୍ରର ଟ୍ରେଲର ନଭେମ୍ବର ୩ ତାରିଖରେ ମୁକ୍ତିଲାଭ କରାଯାଇଥିଲା। ଓସ୍କାର ବିଜେତା ଏ.ଆର. ରହମାନ୍ ଏହାର ସଙ୍ଗୀତ ନିର୍ଦ୍ଦେଶନା ଭାର ତୁଲାଇଛନ୍ତି। ଏହି ଗୀତରେ ଏମି ଜ୍ୟାକ୍ସନ୍ ରଜନୀକାନ୍ତଙ୍କ ରୋବୋଟ୍ ଚରିତ୍ରର ପ୍ରେମିକା ସାଜିଛନ୍ତି। ଦୁହେଁ ଗୀତରେ ରୋବୋଟ୍ ଭଳି ନୃତ୍ୟ କରୁଥିବା ଦେଖିବାକୁ ମିଳିଛି।
‘୨.୦’ ଚଳଚ୍ଚିତ୍ର ମାଧ୍ୟମରେ ରଜନୀକାନ୍ତ ଓ ଅକ୍ଷୟ କୁମାରଙ୍କୁ ପ୍ରଥମ ଥର ପାଇଁ ଏକାଠି ଦେଖିବାକୁ ମିଳିବ। ଏହା ଭାରତର ସବୁଠାରୁ ଅଧିକ ଦାମୀ ଚଳଚ୍ଚିତ୍ର। ଏହା ନଭେମ୍ବରରେ ୨୯ ତାରିଖରେ ମୁକ୍ତିଲାଭ କରିବ।
