ଡେସ୍କ: ପ୍ରତିଦିନ ଲକ୍ଷ ଲକ୍ଷ ଭାରତୀୟ ରେଳ ଷ୍ଟେସନ ଦେଇ ଯାତାୟାତ କରିଥାନ୍ତି। ଭାରତୀୟ ଖାଦ୍ୟ ନିରାପତ୍ତା ଏବଂ ମାନକ ପ୍ରାଧିକରଣ (ଏଫ୍ଏସ୍ଏସ୍ଏଆଇ)ର ଇଟ୍ ରାଇଟ୍ ଷ୍ଟେସନ୍ ପଦକ୍ଷେପ ଏହି ଜନଗହଳିପୂର୍ଣ୍ଣ ହବ୍ ମଧ୍ୟରେ ସୁରକ୍ଷିତ ଏବଂ ସୁସ୍ଥ ଖାଦ୍ୟ ଉପଲବ୍ଧତା ସୁନିଶ୍ଚିତ କରିବା ଦିଗରେ ଗୁରୁତ୍ୱପୂର୍ଣ୍ଣ ପଦକ୍ଷେପ ନେଉଛି। ବର୍ତ୍ତମାନ ସୁଦ୍ଧା ଦେଶର ୧୫୦ଟି ରେଳ ଷ୍ଟେସନକୁ ଇଟ୍ ରାଇଟ୍ ଷ୍ଟେସନ ଭାବେ ମାନ୍ୟତା ମିଳିଛି, ଯାହା ଇଟ୍ ରାଇଟ୍ ଇଣ୍ଡିଆ ଅଭିଯାନର ଅଗ୍ରଗତିରେ ଏକ ଗୁରୁତ୍ୱପୂର୍ଣ୍ଣ ମାଇଲଖୁଣ୍ଟ, ଯାହା ଦେଶର ବିଶାଳ ରେଳ ନେଟୱାର୍କ ଅତିକ୍ରମ କରୁଥିବା ଲକ୍ଷ ଲକ୍ଷ ଯାତ୍ରୀଙ୍କ ପାଇଁ ସୁରକ୍ଷିତ, ସ୍ୱଚ୍ଛ ଏବଂ ପୁଷ୍ଟିକର ଖାଦ୍ୟ ବିକଳ୍ପ ସୁନିଶ୍ଚିତ କରୁଛି।
“ଇଟ୍ ରାଇଟ୍ ଷ୍ଟେସନ” ସାର୍ଟିଫିକେସନ୍ ପ୍ରକ୍ରିୟାରେ ଖାଦ୍ୟ ବିକ୍ରେତାଙ୍କ କଠୋର ଅଡିଟ୍, ଖାଦ୍ୟ ପରିଚାଳନାକାରୀଙ୍କୁ ପ୍ରଶିକ୍ଷଣ, କଠୋର ସ୍ୱଚ୍ଛତା ଏବଂ ପରିମଳ ପ୍ରୋଟୋକଲ୍ ପାଳନ କରିବାଏବଂ ସଚେତନ ଖାଦ୍ୟ ପସନ୍ଦ କରିବା ପାଇଁ ବ୍ୟକ୍ତିବିଶେଷଙ୍କ ମଧ୍ୟରେ ସଚେତନତା ସୃଷ୍ଟି କରିବାକୁ ପ୍ରୟାସ ଅନ୍ତର୍ଭୁକ୍ତ ।ଏହି କଠୋର ମାନଦଣ୍ଡ ପୂରଣ କରୁଥିବା ଷ୍ଟେସନଗୁଡ଼ିକୁ “ଇଟ୍ ରାଇଟ୍ ଷ୍ଟେସନ” ସାର୍ଟିଫିକେଟ୍ ପ୍ରଦାନ କରାଯାଏ।
ଦିଲ୍ଲୀ, ବାରଣାସୀ, କୋଲକାତା, ଉଜ୍ଜୈନ, ଅଯୋଧ୍ୟା କ୍ୟାଣ୍ଟ, ହାଇଦ୍ରାବାଦ, ଚଣ୍ଡିଗଡ଼, କୋଝିକୋଡ଼, ଗୁଆହାଟୀ, ବିଶାଖାପାଟଣା, ଭୁବନେଶ୍ୱର, ବଡୋଦରା, ମୈସୁର ସିଟି, ଭୋପାଳ, ଇଗତପୁରୀ, ଦିଲ୍ଲୀର ଆନନ୍ଦ ବିହାର ଟର୍ମିନାଲ ଏବଂ ଚେନ୍ନାଇର ପୁରାଚି ଥାଲାଇଭର ଡକ୍ଟର ଏମଜି ରାମଚନ୍ଦ୍ରନ ସେଣ୍ଟ୍ରାଲ ରେଳ ଷ୍ଟେସନ ଆଦି ରେଳ ଷ୍ଟେସନକୁ “ଇଟ୍ ରାଇଟ୍ ଷ୍ଟେସନ” ମାନ୍ୟତା ମିଳିଛି।
ଏହି ପଦକ୍ଷେପ କେବଳ ଯାତ୍ରୀଙ୍କ ପାଇଁ ଲାଭଦାୟକ ନୁହେଁ ବରଂ ରେଳ ଷ୍ଟେସନରେ ଖାଦ୍ୟ ବିକ୍ରେତାଙ୍କୁ ମଧ୍ୟ ସଶକ୍ତ କରୁଛି। ଖାଦ୍ୟ ନିରାପତ୍ତା ଏବଂ ସ୍ୱଚ୍ଛତା ମାନଦଣ୍ଡ କୁ ପାଳନ କରି, ସେମାନେ ବିଶ୍ୱସନୀୟତା ହାସଲ କରନ୍ତି ଏବଂ ଅଧିକ ଗ୍ରାହକଙ୍କୁ ଆକୃଷ୍ଟ କରନ୍ତି, ଶେଷରେ ସେମାନଙ୍କଜୀବିକାକୁ ବୃଦ୍ଧି କରନ୍ତି।
ଦେଶର ୬ଟି ଅଗ୍ରଣୀ ମେଟ୍ରୋ ଷ୍ଟେସନ ମଧ୍ୟ ଏହି ପ୍ରୟାସରେ ସାମିଲ ହୋଇଛନ୍ତି ଏବଂ ଏହାକୁ ଇଟ୍ ରାଇଟ୍ ଷ୍ଟେସନ ଭାବରେ ସ୍ୱୀକୃତି ମିଳିଛି । ସେଗୁଡ଼ିକ ମଧ୍ୟରେ ନୋଏଡା ସେକ୍ଟର ୫୧, ଏସପ୍ଲାନେଡ୍ (କୋଲକାତା), ଆଇଆଇଟି କାନପୁର, ବୋଟାନିକାଲ ଗାର୍ଡେନ୍ (ନୋଏଡା) ଏବଂ ନୋଏଡା ଇଲେକ୍ଟ୍ରୋନିକ୍ ସିଟି ମେଟ୍ରୋ ଷ୍ଟେସନ ରହିଛି।
Comments are closed.