ନୂଆଦିଲ୍ଲୀ: ସାରା ବିଶ୍ଵରେ ଦିନକୁ ଦିନ ହୃଦରୋଗ ବଢିବାରେ ଲାଗିଛି। ଯାହାକୁ ନେଇ ବିଶ୍ଵ ସ୍ଵାସ୍ଥ୍ୟ ସଙ୍ଗଠନ ଏକ ଗୁରୁତ୍ଵପୂର୍ଣ୍ଣ ଚେତାବନୀ ଦେଇଛି। ଡବ୍ଲୁଏଚଓ ଅନୁଯାୟୀ,ୟୁରୋପରେ ପ୍ରତିଦିନ ୧୦ ହଜାର ଲୋକ ହୃଦଘାତରେ ମୃତ୍ୟୁବରଣ କରୁଛନ୍ତି। ଯାହାର ଅର୍ଥ ବାର୍ଷିକ ୪ ନିୟୁତ ଲୋକଙ୍କ ମୃତ୍ୟୁ। ଏହି ମୃତ୍ୟୁ ୟୁରୋପରେ ମୋଟ ମୃତ୍ୟୁର ୪୦ ପ୍ରତିଶତ ଅଟେ। ଅର୍ଥାତ୍ ପ୍ରତିବର୍ଷ ୪୦ ଲକ୍ଷ ଲୋକଙ୍କର ମୃତ୍ୟୁ ଘଟୁଛି। ଡବ୍ଲୁଏଚଓ ୟୁରୋପର ନିର୍ଦ୍ଦେଶକ କହିଛନ୍ତି ଯେଉଁମାନେ ଅଧିକ ଲୁଣ ଖାଉଛନ୍ତି। ସେମାନେ ୨୫ ପ୍ରତିଶତ କମ୍ କରିବା ନିହାତି ଆବଶ୍ୟକ। ନଚେତ୍ ୨୦୩୦ ସୁଦ୍ଧା ପାଖାପାଖି ୯ ଲକ୍ଷ ଲୋକଙ୍କର ମୃତ୍ୟୁ ଘଟିସାରିଥିବ। ୟୁରୋପରେ ୩୦ରୁ ୭୯ ବର୍ଷ ବୟସ୍କ ମଧ୍ୟରେ ଅଧିକାଂଶ ଲୋକ ଉଚ୍ଚ ରକ୍ତଚାପ ରୋଗରେ ପୀଡିତ। ଯାହାର ମୁଖ୍ୟ କାରଣ ହେଉଛି ଅଧିକ ଲୁଣ ଖାଇବା । ଅଧିକ ଲୁଣ ଖାଇବା ଦ୍ଵାରା ହାର୍ଟ ଷ୍ଟ୍ରୋକ୍ ହେବାର ମଧ୍ୟ ଅଧିକ ଆଶଙ୍କା ରହିଛି। ୟୁରୋପରେ ମହିଳାଙ୍କ ତୁଳନାରେ ଅଧିକ ସଂଖ୍ୟାରେ ପୁରୁଷ ମାନଙ୍କର ହୃଦଘାତରେ ମୃତ୍ୟୁ ଘଟୁଛି। ତେଣୁ କମ୍ ଲୁଣ ଖାଇବା ଦ୍ଵାରା ଆମେ ନିଜକୁ ଏବଂ ଆମ ପରିବାରକୁ ହୃଦଘାତରୁ ରକ୍ଷା କରିପାରିବା।
