ଭୁବନେଶ୍ଵର: କେଦାରନାଥରେ ଫସିଥିବା ୪ ଓଡିଆ ଫେରୁଛନ୍ତି। ଆଜି ସକାଳୁ ଉତ୍ତରାଖଣ୍ଡ ହୃଷିକେଶରୁ ଟ୍ରେନ୍ ଯୋଗେ ଓଡିଶା ଫେରୁଛନ୍ତି। କେନ୍ଦୁଝର ସଦର ଥାନା ଅଞ୍ଚଳ କେମସଡା ଗାଁର ରୁଷିବର ମହାନ୍ତ, ତେଲକୋଇ ଥାନା ଅଞ୍ଚଳର ମହେଶ୍ଵର ପ୍ରଧାନ , କାର୍ତ୍ତିକ ଖିଲାର ଏବଂ ସଦାନନ୍ଦ ସାହୁ ସୁରକ୍ଷିତ ଭାବରେ ଫେରୁଛନ୍ତି। ଗତ ୩୧ ତାରିଖରେ କେଦାରନାଥ ଯାଇ ସେଠାରୁ ଫେରିବାବେଳେ ଚାରି ଜଣ ଫସି ଯାଇଥିଲେ। ଭୂସ୍ଖଳନ ପରେ ରାସ୍ତା ବନ୍ଦ ଥିବା ଯୋଗୁଁ ଶତାଧିକ ଲୋକ ଆଉ ପାହାଡ ତଳକୁ ଓହ୍ଲାଇ ପାରିନଥିଲେ। ଘଟଣା ଜଣାପଡିବା ପରେ ଉତ୍ତରାଖଣ୍ଡ ପ୍ରଶାସନ ପକ୍ଷରୁ ରେସକ୍ୟୁ ଅପରେସନ୍ ଆରମ୍ଭ ହୋଇଥିଲା। ଉତ୍ତରାକାଶୀ ଯାଏଁ ହେଲିକପ୍ଟର ଯୋଗେ ଅଣାଯିବା ପରେ ସେଠାରୁ ତାଙ୍କୁ ସୁରକ୍ଷିତ ଭାବେ ରୁଷିକେଶ ଅଣାଯାଇଛି। ୪ ଓଡିଆ ସୁରକ୍ଷିତ ଖବର ଆସିବା ପରେ ସେମାନଙ୍କ ପରିବାର ଲୋକ ଏବେ ଆଶ୍ଵସ୍ତି ଅନୁଭବ କରୁଛନ୍ତି।
Comments are closed.