ରେଢ଼ାଖୋଲ :ଆଜି ରେଢ଼ାଖୋଲ ବିଜେପି ପକ୍ଷରୁ ସ୍ଥାନୀୟ ଭୀମ ଭୋଇ ଛକ ନିକଟସ୍ଥ ୫୫ ନଂ ଜାତୀୟ ରାଜପଥ ପାର୍ଶ୍ଵରେ ଉପଖଣ୍ଡ ଡାକ୍ତରଖାନାର ଡାକ୍ତର ସମସ୍ୟା ତଥା ବିଭିନ୍ନ ଆନୁସଙ୍ଗିକ ଅବ୍ୟବସ୍ଥା ନେଇ ଗଣଧାରଣା ଦିଆଯାଇଛି । ସୂଚନା ମତେ ଗତ ସେପ୍ଟେମ୍ବର ମାସ ୨୦ତାରିଖ ଦିନ ରେଢ଼ାଖୋଲ ବିଜେପିର ଏକ ପ୍ରତିନିଧି ଦଳ ୬ ଦଫା ସମ୍ବଳିତ ଏକ ଦାବୀ ପତ୍ର ପ୍ରଦାନ କରିବା ସହ ଆଗାମୀ ୭ ଦିନ ମଧ୍ୟରେ ସମସ୍ୟା ଗୁଡିକର ସମାଧାନ ନହେଲେ ଆନ୍ଦୋଳନତ୍ମକ ପନ୍ଥା ଗ୍ରହଣ କରାଯିବ ବୋଲି ଚେତାବନୀ ଦିଆଯାଇଥିଲା ।
ଆଜି ଗଣଧାରଣାରେ ବିଜେପି ରାଜ୍ୟ ପୂର୍ବତନ ସମ୍ପାଦକ ଗୋବିନ୍ଦ ଅଗ୍ରୱାଲ, ରେଢ଼ାଖୋଲ ଏନଏସି ଅଧ୍ୟକ୍ଷ ଶିବରାମ ସାହୁ, ଉପାଧ୍ୟକ୍ଷ ଅନୁସୟା ପ୍ରଧାନ, ଜିଲା ପରିଷଦ ସଭ୍ୟ ଶରତ କୁମାର ପ୍ରଧାନ, ସମାଜସେବୀ ବିଜୟ ମହାନ୍ତି, ବରିଷ୍ଠ ବିଜେପି ନେତା ଦିଲ୍ଲୀପ ପ୍ରଧାନ, ଅଲେଖା ପ୍ରଧାନ, ରବୀନ୍ଦ୍ର ପ୍ରଧାନଙ୍କ ସମେତ କାଉଁସିଲର ଓ ବିଜେପି କର୍ମୀ ଉପସ୍ଥିତ ଥିଲେ ।
