ହାଜୀପୁର : ବିହାରର ସୁଲତାନପୁର ଗାଁ ନିକଟରେ ମର୍ମନ୍ତୁଦ ସଡକ ଦୁର୍ଘଟଣାରେ ୧୨ ଜଣଙ୍କ ଜୀବନ ଚାଲିଯାଇଛି । ରବିବାର ରାତି ସମୟରେ ଅନିୟନ୍ତ୍ରିତ ଓ ଦ୍ରୁତ ଗତିରେ ଥିବା ଏକ ଟ୍ରକ ଧକ୍କାରେ ୧୨ ଜଣଙ୍କ ମୃତ୍ୟୁ ହୋଇଛି । ଟ୍ରକଟି ଦ୍ରୁତ ଗତିରେ ଥିବା ବେଳେ ରାସ୍ତାରେ ଏହା ଅନେକଙ୍କ ଉପରେ ଚଢାଇ ଦେଇଥିଲା । ବ୍ରେକ୍ ଫେଲ୍ ହୋଇଯିବାରୁ ଏହି ଦୁର୍ଘଟଣା ଘଟିଛି ବୋଲି ଜଣାପଡିଛି ।
ଏହି ଦୁର୍ଘଟଣାରେ କିଛି ଲୋକେ ଗଭୀର ଭାବେ ଆହତ ହୋଇଛନ୍ତି । ଏହି ମର୍ମନ୍ତୁଦ ଦୁର୍ଘଟଣାରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ, ମୁଖ୍ୟମନ୍ତ୍ରୀ ନୀତୀଶ କୁମାର ଗଭୀର ଦୁଃଖ ପ୍ରକାଶ କରିଛନ୍ତି । ଘଟଣାଟି ରାତି ପ୍ରାୟ ୯ଟାରେ ଘଟିଥିଲା । ଘଟଣା ପରେ କେନ୍ଦ୍ର ଓ ବିହାର ସରକାର ଅନୁକମ୍ପା ରାଶି ଘୋଷଣା କରିଛନ୍ତି ।
ଏହି ଦୁର୍ଘଟଣା ରାଜଧାନୀ ପାଟନାରୁ ପ୍ରାୟ ୩୦ କିଲୋମିଟର ଦୂର ବେଶାଲୀ ଜିଲାରେ ଘଟିଛି । ଏକ ଗଛ ନିକଟରେ କିଛି ଲୋକେ ଜମା ହୋଇଥିଲେ । ରିପୋର୍ଟ ଅନୁଯାୟୀ, ଘଟଣା ସ୍ଥଳରେ ୯ ଜଣଙ୍କ ମୃତ୍ୟୁ ହୋଇଥିବା ବେଳେ ୧୨ ଜଣଙ୍କ ଜୀବନ ଏଥିରେ ଚାଲି ଯାଇଛି ।
ଦୁର୍ଘଟଣା ପରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଟ୍ୱିଟ କରି ଗଭୀର ଦୁଃଖ ପ୍ରକାଶ କରିଛନ୍ତି । କେନ୍ଦ୍ର ସରକାର ମୃତକଙ୍କ ପରିଜନଙ୍କୁ ୨ ଲକ୍ଷ ଟଙ୍କା ଲେଖାଏଁ ସହାୟତା ରାଶି ଘୋଷଣା କରାଯାଇଥିବା ବେଳେ ଆହତଙ୍କୁ ୫୦ ହଜାର ଟଙ୍କା ଘୋଷଣା କରିଛନ୍ତି ।
ବିହାର : ଟ୍ରକ ଧକ୍କାରେ ୧୨ ମୃତ, ସହାୟତା ରାଶି ଘୋଷଣା
Popular Categories
Previous article
Next article