ଚେନ୍ନାଇ: ତାମିଲନାଡ଼ୁର ମୁଖ୍ୟମନ୍ତ୍ରୀ ଇ ପାଲାନିସ୍ୱାମୀଙ୍କୁ ଗାଳି ଦେଇ ଶାସକ ଏଆଇଏଡିଏମ୍କେର ବିଧାୟକ କରୁଣାସଙ୍କୁ ପୁଲିସ ଗିରଫ କରିଛି। ଜେଲ୍ରେ ଥିôବା ଏଆଇଏଡିଏମ୍କେ ନେତ୍ରୀ ଶଶିକଳାଙ୍କ ସେ ଜଣେ ବଡ଼ ସମର୍ଥକ। ତାଙ୍କ ବିରୋଧରେ ସାମ୍ପ୍ରଦାୟିକତା ଓ ଉତ୍ତେଜନା ସୃଷ୍ଟି ପାଇଁ ଉସ୍କାଇବା ଏବଂ ଅପରାଧିକ ଷଡ଼ଯନ୍ତ୍ର ରଚନା କରିବା ଭଳି ଗୁରୁତର ମାମଲା ରୁଜୁ ହୋଇଛି।
ଗତ ୧୬ ତାରିଖରେ ମୁକୁଲାଥର ପୁଲି ପଡ଼ାଠାରେ ଆୟୋଜିତ ଏକ ସଭାରେ କରୁଣାସ ମୁଖ୍ୟମନ୍ତ୍ରୀ ପାଲାନିସ୍ୱାମୀ, ପୁଲିସ ଓ କେତେକ ଗଣମାଧ୍ୟମ ସଂସ୍ଥା ବିରୋଧରେ ଆପତ୍ତିଜନକ ମନ୍ତବ୍ୟ ଦେଇଥିବା ଅଭିଯୋଗ ଆସିଥିଲା। କିଛି ଦିନ ପରେ ସେ ତାଙ୍କ ମନ୍ତବ୍ୟ ପାଇଁ ଦୁଃଖପ୍ରକାଶ କରିଥିଲେ। କିନ୍ତୁ ପୁଲିସ ରବିବାର ସକାଳୁ ତାଙ୍କୁ ଗିରଫ କରିଛି। ଏ ସମ୍ପର୍କରେ ତାମିଲନାଡ଼ୁ ବିଧାନସଭାର ବାଚସ୍ପତିଙ୍କୁ ସୂଚିତ କରାଯାଇଥିବା ଜଣେ ବରିଷ୍ଠ ପୁଲିସ ଅଧିକାରୀ କହିଛନ୍ତି। ଅପରପକ୍ଷରେ ପ୍ରଚଳିତ ବିଧିବ୍ୟବସ୍ଥା ଅନୁଯାୟୀ ସେ ମାମଲାର ସାମ୍ନା କରିବେ ବୋଲି କରୁଣାସ କହିଛନ୍ତି।
ମୁଖ୍ୟମନ୍ତ୍ରୀଙ୍କୁ ଗାଳି ଦେଇ ବିଧାୟକ ଗିରଫ
Popular Categories
Previous article
Next article