ଜୋହାନ୍ସବର୍ଗ : ଦକ୍ଷିଣ ଆଫ୍ରିକାର ରାଷ୍ଟ୍ରପତି ଜାକବ ଜୁମା ପରିଶେଷରେ ଇସ୍ତଫା ଦେଇଛନ୍ତି। ସେ ଇସ୍ତଫା ନ ଦେବା ପାଇଁ ଜିଦ୍ରେ ଅଟଳ ଥିବାବେଳେ ପାର୍ଲାମେଣ୍ଟରେ ଏକ ଅନାସ୍ଥାପ୍ରସ୍ତାବ ଆଣି ତାଙ୍କୁ ପଦରୁ ବହିଷ୍କାର କରିବା ପାଇଁ ଶାସକ ଆଫ୍ରିକାନ ନ୍ୟାସନାଲ କଂଗ୍ରେସ ପାର୍ଟି(ଏ.ଏନ.ସି.) ଧମକ ଦେବା ପରେ ଏକ ଟେଲଭିଜନ୍ ବାର୍ତ୍ତାରେ ସେ ଗୁରୁବାର ଇସ୍ତଫା ଦେବା ବିଷୟ ଘୋଷଣା କରିଛନ୍ତି। ୯ବର୍ଷ ଧରି ଦେଶର ରାଷ୍ଟ୍ରପତି ଥିବା ୭୫ବର୍ଷ ବୟସ୍କ ଜୁମା, ଏ.ଏନ.ସିର ନୂତନ ନେତା, ଉପରାଷ୍ଟ୍ରପତି ସରିଲ୍ ରାମା ପୋଷା ରାଷ୍ଟ୍ରପତି ହେବା ନିମନ୍ତେ ପଥ ପରିଷ୍କାର କରିବାକୁ ପ୍ରବଳ ଚାପର ସମ୍ମୁଖୀନ ହୋଇଥିଲେ। ଦୀର୍ଘଦିନ ଧରି ଉଠୁଥିବା ଦୁର୍ନୀତି ଅଭିଯୋଗ ଏବଂ ଜନସାଧାରଣଙ୍କର ପ୍ରବଳଚାପ ଫଳରେ ଶ୍ରୀ ଜୁମା ଇସ୍ତଫା ଦେବାକୁ ବାଧ୍ୟ ହୋଇଛନ୍ତି ବୋଲି କୁହାଯାଉଛି।
