ନୂଆଦିଲ୍ଲୀ: ଆସନ୍ତା ୫ ବର୍ଷ ପାଇଁ ଓଡିଶା ହକି ଇଣ୍ଡିଆର ପ୍ରାୟୋଜକ ହେବ । ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ହକି ଇଣ୍ଡିଆର ନୂଆ ଜର୍ସିକୁ ଉନ୍ମୋଚନ କରିଛନ୍ତି । ଏଥିରେ ଓଡିଶା ଲେଖାଥିବା ଲୋଗ ରହିଛି । ଭୁବନେଶ୍ୱରର କଳିଙ୍ଗ ଷ୍ଟାଡିୟମରେ ଅନୁଷ୍ଠିତ ହେବାକୁ ଥିବା ହକି ବିଶ୍ୱକପ ପାଇଁ ଏହି ଜର୍ସିକୁ ଉନ୍ମୋଚନ କରାଯାଇଛି । ଏହି ଉତ୍ସବରେ ବହୁ ବିଶିଷ୍ଟ ବ୍ୟକ୍ତିଙ୍କ ସହ ଏଫଆଇଏଚ୍ର ସଭାପତି ନରିନ୍ଦର ବାତ୍ରାଙ୍କ ଓ ବହୁ ବରିଷ୍ଠ ପଦାଧିକାରୀ ଉପସ୍ଥିତ ଥିଲେ । ପୂର୍ବତନ ହକି ଖେଳାଳୀ ଧନରାଜ ପିଲ୍ଲେ, ବିରେନ ରସ୍କାନାଙ୍କ ସହ ଓଡିଶାର ଲୋକପ୍ରିୟ ପୂର୍ବତନ ହକି ଖେଳାଳୀ ଦିଲ୍ଲୀପ ତିର୍କି ପ୍ରମୁଖ ଉପସ୍ଥିତ ଥିଲେ ।
ହକି ଇଣ୍ଡିଆର ଜର୍ସିରେ ‘ଓଡିଶା- ଇଣ୍ଡିଆସ୍ ବେଷ୍ଟ କେପ୍ଟ ସିକ୍ରେଟ’ ଲେଖା ଅଛି । ଭାରତୀୟ ହକି ସହ ଓଡିଶା ଅନୁବନ୍ଧିତ ହୋଇ ବେଶ ଖିସୀ, ଓଡିଶାରୁ ବହୁ ଭଲ ହକି ଖେଳାଳୀ ବାହାରିଛନ୍ତି । ହକିକୁ ଓଡିଶାରେ ଖେଳଠାରୁ ଅଧିକ ପ୍ରାଧାନ୍ୟତା ଦିଆଯାଏ ବୋଲି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଏହି ଅବସରରେ ପ୍ରକାଶ କରିଛନ୍ତି । କେତକ ଆଦିବାସୀ ବହୁଳ ଅଞ୍ଚଳରେ ଏହା ଜୀବନଧାରା, ଦେଶର ପ୍ରଥମ ରାଜ୍ୟ ଭାବେ ଏହା ହକିକୁ ଏତେ ବିଶେଷତ୍ୱ ଦେଉଛି ଓ ଦେଶ ପାଇଁ ଏହା ଉପହାର ବୋଲି ମୁଖ୍ୟମନ୍ତ୍ରୀ ପ୍ରକାଶ କରିଛନ୍ତି ।
ଆସନ୍ତା ୫ ବର୍ଷ ପାଇଁ ଉଭୟ ମହିଳା ଓ ପୁରୁଷ ହକି ଟିମ୍ ପ୍ରାୟୋଜକ ହେବ ଓଡିଶା । ଉଭୟ ମହିଳା ଓ ପୁରୁଷ ହକି ଟିମର ଜର୍ସି ଉପରେ ଓଡିଶା ଲେଖା ଥିବା ଲୋଗ ଶୋଭା ପାଇବ ।