ଡିପ୍ଲୋମା ଇଞ୍ଜିନିୟରଙ୍କ ସମୂହ ଛୁଟି : ବଡ଼ସାହି ଓ ବେତନଟୀ ବ୍ଲକରେ ଉନ୍ନୟନ କାର୍ଯ୍ୟ ପ୍ରଭାବିତ

0

ବଡ଼ସାହି : ରାଜ୍ୟ ଡ଼ିପ୍ଲୋମା ଇଞ୍ଜିନିୟର ସେବା ସଂଘର ଆହ୍ୱାନ କ୍ରମେ ୯ଦଫା ଦାବି ନେଇ କାର୍ଯ୍ୟରତ ଇଞ୍ଜିନିୟର ମାନେ ବିଶ୍ୱକ୍ରମା ପୂଜା ପରଠାରୁ ସମୂହ ଛୁଟିରେ ଯାଇଛନ୍ତି। ଫଳରେ ବଡ଼ସାହି ଓ ବେତନଟୀ ବ୍ଲକରେ ଉନ୍ନୟନ କାର୍ଯ୍ୟ ପ୍ରଭାବିତ ହୋଇଛି। ଦାବି ଗୁଡ଼ିକ ମଧ୍ୟରେ ସେମାନଙ୍କୁୁ ମୂଳ ନିଯୁକ୍ତି ପଦରେ ସହକାରୀ ଯନ୍ତ୍ରୀ କରାଯିବା, ପଦୋନ୍ନତି ହାର ଶତକଡ଼ା ୫୦ଭାଗ ବୃଦ୍ଧି କରିବା, ପଞ୍ଚାତିରାଜ ବିଭାଗର କାର୍ଯ୍ୟରତ ସମସ୍ତ ଜିପିଟିଏ ଓ କନିଷ୍ଠ ଯନ୍ତ୍ରୀ-୨ଙ୍କୁ ନିୟମିତ କନିଷ୍ଠଯନ୍ତ୍ରୀ କରିବା, ଉପଯୁକ୍ତ ହାରରେ ଆରଏସପି ପ୍ରଦାନ, କ୍ୟାଡ଼ରର ପୁର୍ନଗଠନ ଓ ଉପଯୁକ୍ତ ନ୍ୟାୟ ପ୍ରଦାନ ଦାବିରେ ସେମାନେ ଆନ୍ଦୋଳନକୁ ଓହ୍ଲାଇଛନ୍ତି। ସମ୍ଭାବ୍ୟ ନିର୍ବାଚନ ପୂର୍ବରୁ ବର୍ଷାଋତୁ ପରେ ଉନ୍ନୟନ କାର୍ଯ୍ୟ ଜୋରଦାର ପାଇଁ ସରକାର ଗୁରୁତ୍ୱଆରୋପ କରୁଥିବା ବେଳେ ଏପରି ଆନ୍ଦୋଳନ ଅନ୍ତରାୟ ସାଜିଛି।

Leave A Reply