ବେଙ୍ଗାଲୁରୁ : କର୍ଣ୍ଣାଟକର ରାଜଧାନୀ ବେଙ୍ଗାଲୁରୁ ସାରଜାପୁର ରୋଡର କାସୁଭାନାହାଲି ଅଞ୍ଚଳରେ ନିର୍ମାଣଧୀନ ଏକ ୫ ମହଲା ବିଶିଷ୍ଠ କୋଠା ଗୁରୁବାର ଅପରାହ୍ନରେ ଭୁଶୁଡ଼ି ପଡ଼ିଛି। ଏଥିରେ ଅନ୍ୟୁନ ୪ ଜଣ ଲୋକ ପ୍ରାଣ ହରାଇଥିବାବେଳେ ୧୫ ଜଣ ଶ୍ରମିକ ଭଙ୍ଗା କୋଠା ଭଗ୍ନାଂଶ ତଳେ ଚାପି ହୋଇ ରହିଥିବା ସନ୍ଦେହ କରାଯାଉଛି । ୮ ଜଣ ଶ୍ରମିକଙ୍କୁ ଉଦ୍ଧାର କରାଯାଇଛି । ରାଜ୍ୟ ବିପର୍ଯ୍ୟୟ ପ୍ରଶମନ ବାହିନୀ ଘଟଣାସ୍ଥଳରେ ପହଞ୍ଚି ଉଦ୍ଧାର କାର୍ଯ୍ୟ ଜାରି ରଖିଛନ୍ତି । ଖୁବଶୀଘ୍ର ଏନଡିଏଫ ଦଳ ଉଦ୍ଧାର ଅଭିଯାନରେ ଯୋଗଦେବେ ବୋଲି ଜଣେ ଅଧିକାରୀ ସୂଚନା ଦେଇଛନ୍ତି । ସୂଚନା ଅନୁସାରେ ମାତ୍ର ୩ ମହଲା ନିର୍ମାଣ ପାଇଁ ଅନୁମତି ମିଳିଥିଲା। ମାତ୍ର ଘର ମାଲିକ ୫ ମହଲା ବିଶିଷ୍ଟ ଘର ନିର୍ମାଣ କରୁଥିଲେ ବୋଲି ସ୍ଥାନୀୟ ମେୟର ସମ୍ପତ ରୟ କହିଛନ୍ତି । ୬ ବର୍ଷ ହେବ କୋଠାର ନିର୍ମାଣ କାର୍ଯ୍ୟ ଚାଲିଥିଲା । ଗତ ୨ ବର୍ଷ ହେଲା ନିର୍ମାଣ କାର୍ଯ୍ୟ ବନ୍ଦ ରହିବା ପରେ ପୁଣି କାମ ଆରମ୍ଭ ହୋଇଥିଲା । ଏହି ସମୟରେ ଏହି ଦୁର୍ଘଟଣା ଘଟିଛି ।
Popular Categories
Previous article
Next article