ବାଂଲାଦେଶରେ ଅର୍ଥନୈତିକ ପୃଷ୍ଠଭୂମି ବିସ୍ତାର ପାଇଁ ଚୀନକୁ ଆମନ୍ତ୍ରଣ କଲେ ୟୁନୁସ

ସମାଜ ଡିଜିଟାଲ ଡେସ୍କ: ବାଂଲାଦେଶର ଅନ୍ତରୀଣ ସରକାରର ପ୍ରଧାନମନ୍ତ୍ରୀ ମହମ୍ମଦ ୟୁନୁସ ୪ ଦିନିଆ ଚୀନ ଗସ୍ତରେ ଯାଇଛନ୍ତି। ଏହି ସମୟରେ ସେ ଚୀନକୁ ବାଂଲାଦେଶରେ ଅର୍ଥନୈତିକ ପୃଷ୍ଠଭୂମିର ବିସ୍ତାର ପାଇଁ ଆମନ୍ତ୍ରଣ କରିଛନ୍ତି। ଏହା ସହିତ ସେ ଭାରତ ବିରୋଧୀ ମନ୍ତବ୍ୟ ଦେଇ କହିଛନ୍ତି, ଭାରତ-ପ୍ରଶାନ୍ତ ମହାସାଗରୀୟ ଅଞ୍ଚଳର ଏକମାତ୍ର ହକଦାର ହେଉଛି ବାଂଲାଦେଶ। ଭାରତର ୭ଟି ପୂର୍ବାଞ୍ଚଳ ରାଜ୍ୟ ସ୍ଥଳଭାଗ ଦ୍ବାରା ଆବଦ୍ଧ। ଭାରତ ସେହି ଅଞ୍ଚଳରେ ପହଞ୍ଚି ପାରିବାର କୌଣସି ବାଟ ନାହିଁ। ବେଜିଂ ପାଇଁ ଏସବୁ ଅଞ୍ଚଳ ମୁକ୍ତ ବୋଲି ୟୁନୁସ କହୁଥିବା ଏକ ଭିଡିଓ​‌ରେ ଦେଖିବାକୁ ମିଳିଛି। ସେ ଆହୁରି କହିଛନ୍ତି ଯେ, ଉକ୍ତ ଅଞ୍ଚଳରେ ବେଜିଂ ଯାହା ଚାହିଁବ ତାହା କରିପାରିବ। ବେଜିଂ ନିଜର ଅର୍ଥନୈତିକ ବିକାଶ ବି କରିପାରିବ।

ୟୁନୁସ ଜିନପିଙ୍ଗଙ୍କୁ ଭେଟିବା ଅବସରରେ ନଦୀ ଜଳ ପରିଚାଳନା ପାଇଁ ବେଜିଂଠାରୁ ୫୦ ବର୍ଷୀୟା ଏକ ମାଷ୍ଟରପ୍ଲାନ ଦେବାକୁ ଅନୁରୋଧ କରିଛନ୍ତି। ୟୁନୁସ ଏହି ଅବସରରେ ଚୀନକୁ ଜଳ ପରିଚାଳନା କ୍ଷେତ୍ରରେ ମାଷ୍ଟର ବୋଲି ସମ୍ବୋଧନ କରିଛନ୍ତି।