କଟକ : ୱାଇଜମ୍ୟାନ ଇଣ୍ଟେରନ୍ୟାସନାଲ ପକ୍ଷରୁ ଭାରତ ଓ ଦୁବାଇକୁ ନେଇ ଗଠିତ ‘ଇଣ୍ଡିଆ ଏରିଆରା’ର ଦୁଇ ଦିନିଆ ସମ୍ମିଳନୀ ଓ ସମୀକ୍ଷା ବୈଠକ ଉଦଯାପିତ ହୋଇଛି। ଏହି ସମ୍ମିଳନୀର ଶେଷ ଦିବସରେ ଭାରତ ଓ ଦୁବାଇର ବିଭିନ୍ନ ପ୍ରାନ୍ତରୁ ଆସିଥିବା ସମସ୍ତ ଆଞ୍ଚଳିକ ନିର୍ଦେଶକ ସେମାନଙ୍କ ଆଗାମୀ କାର୍ଯ୍ୟାଧାରାର ବିବରଣୀ ଉପସ୍ଥାପନା କରିଥିଲେ।
ସର୍ବଭାରତୀୟ ସଭାପତି ଭି କେ ରାଧାକୃଷ୍ଣନଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏହି କାର୍ଯ୍ୟକ୍ରମରେ ଅନ୍ତର୍ଜାତୀୟ ସଭାପତି ଏ ସାହନଭାସ ଖାନ ଯୋଗଦେଇ ବିଶ୍ଵ ଶାନ୍ତି, ପରିବେଶର ସୁରକ୍ଷା,ଦୁର୍ବଳ ଶ୍ରେଣୀ ବର୍ଗ ଜନସାଧାରଣଙ୍କୁ ସ୍ୱାସ୍ଥ୍ୟ ସେବା ଦିଗରେ କାର୍ଯ୍ୟ କରିବା ଉପରେ ଗୁରୁତ୍ୱ ଆରୋପ କରିଥିଲେ। ଅନ୍ୟ ମାନଙ୍କ ମଧ୍ୟରେ ଉତ୍ତର ପୂର୍ବ ଓ ଉତ୍ତରପୂର୍ବ ଭାରତର ଆଞ୍ଚଳିକ ଭାରପ୍ରାପ୍ତ ନିର୍ଦେଶକ ପ୍ରସନ୍ନ କୁମାର ନନ୍ଦ ବିଶ୍ଵ ଭାତୃତ୍ୱ ଉପରେ ଗୁରୁତ୍ୱ ଦେବାସହିତ ଆଞ୍ଚଳିକ ଅଗ୍ରଗତି ଉପରେ ବିବରଣୀ ଉପସ୍ଥାପନା କରିଥିଲେ ।
ଏହି କାର୍ଯକ୍ରମରେ ଉତ୍ତର ପୂର୍ବ ଓ ଉତ୍ତରପୂର୍ବ ଭାରତର ଆଞ୍ଚଳର ଜିଲା ଗଭର୍ଣ୍ଣର ସୁଜିତ ପାଣି,ଡ଼କ୍ଟର ସୁରଜିତ ସାହୁ , ସତ୍ୟ ଗୋପାଳ ପରିଜା, ପିୟୁଷ ମହାନ୍ତି ରାଞ୍ଚି ର ଜେ. ଚିରାୟତ, ଗୌହଟି ର ପି.ଲାଇଜୁ ପ୍ରମୁଖ ଏହି ଉଦଯାପନୀ ଉତ୍ସବରେ ସକ୍ରିୟ ଅଂଶ ଗ୍ରହଣ କରିଥିଲେ। ପ୍ରକାଶ ଥାଉକି ଆସନ୍ତା ଆଞ୍ଚଳିକ ପରିଷଦ ଓ ନେତୃତ୍ୱ ପ୍ରଶିକ୍ଷଣ କାର୍ଯ୍ୟକ୍ରମ ସେପ୍ଟେମ୍ବର ୧୦ ତାରିଖରେ ଦିଲ୍ଲୀ ଠାରେ ଅନୁଷ୍ଠିତ ହେବା ର କାର୍ଯ୍ୟକ୍ରମ ରହିଛି।
Comments are closed.