ଭୁବନେଶ୍ୱର ଭି.ଏସ୍.ଏସ୍ ନଗର ସ୍ଥିତ ପ୍ରଭୁଜୀ ଇଂରାଜୀ ମାଧ୍ୟମ ବିଦ୍ୟାଳୟରେ ଆନ୍ତର୍ଜାତିକ ଯୋଗ ଦିବସ ପାଳିତ ହୋଇଯାଇଅଛି । ଶିକ୍ଷାନୁଷ୍ଠାନର କୋଷାଧ୍ୟକ୍ଷ ଶୋଭାକର ଦାସ ଫତେସିଂହ ଯୋଗ ସାଧନାକୁ ଅଧିକ ଜନପ୍ରିୟ କରାଇବା ଉଦ୍ଦେଶ୍ୟରେ ପ୍ରଭୁଜୀ ପରିସରରେ ହଟ୍ଟଯୋଗ ଶିକ୍ଷାକେନ୍ଦ୍ରକୁ ଉଦ୍ଘାଟିତ କରି ଯୋଗ ଶରୀର – ମନ – ପ୍ରାଣ ଓ ଆତ୍ମା ଭିତରେ ଏକ ସମନ୍ୱୟ ଆଣିବା ସହିତ ଆମକୁ ଦୀର୍ଘଜୀବୀ କରାଇବାରେ ସାହାଯ୍ୟ କରିଥାଏ ବୋଲି ମତବ୍ୟକ୍ତ କରିଥିଲେ ।
ଉପସ୍ଥିତ ଅଭିଭାବକ ମାନଙ୍କୁ ଯୋଗ ଶିକ୍ଷାକେନ୍ଦ୍ରରେ ଯୋଗ ଦେଇ ନିଜକୁ ନୀରୋଗ ରଖିବା ପାଇଁ ପରାମର୍ଶ ଦେଇଥିଲେ । ଏହି ଶିକ୍ଷାକେନ୍ଦ୍ର ବିନାଦେୟରେ ଉଭୟ ସକାଳ ଓ ସନ୍ଧ୍ୟା ସମୟରେ ବିଦ୍ୟାଳୟର ଆଗ୍ରହୀ ଅଭିଭାବକ, ଶିକ୍ଷକ ଶିକ୍ଷୟିତ୍ରୀ ଓ ସ୍ଥାନୀୟ ଅଧିବାସୀ ଯୋଗ ଶିକ୍ଷା କରି ନିଜକୁ ସୁସ୍ଥ ଓ ନିରାମୟ ରଖିପାରିବେ । ବିଦ୍ୟାଳୟର ପ୍ରତିଷ୍ଠାତା ଓ ଆନ୍ତର୍ଜାତିକ ସ୍ତରରେ ଖ୍ୟାତିଲାଭ କରିଥିବା ବିଶିଷ୍ଟ କ୍ରିୟାଯୋଗୀ ସ୍ୱାମୀ ଶଙ୍କରାନନ୍ଦ ଗିରି ମହାରାଜ ଯୁଦ୍ଧ ଓ ବିଭୀଷିକାମୟ ପୃଥିବୀରେ ଯୋଗ ହିଁ ଏକମାତ୍ର ଔଷଧି ସମଗ୍ର ପୃଥିବୀରେ ଶାନ୍ତି ଓ ମୈତ୍ରୀ ଆଣିପାରିବ ବୋଲି ମତ ଦେଇଥିଲେ ।
Comments are closed.