ଦେଖନ୍ତୁ ଭିଡିଓ: ବେଲୁନରେ ଉଡ଼ି ମଜା ନେବା ବେଳେ ନିଆଁ ଲାଗି ୮ ମୃତ, ୧୩ ଆହତ

ସମାଜ ଡିଜିଟାଲ ଡେସ୍କ: ହଟ୍ ଏୟାର ବେଲୁନ(ଉଷ୍ମ ବାୟୁରେ ଉଡ଼ୁଥିବା ବେଲୁନ)ରେ ବସି ଆକାଶରେ ଉଡ଼ି ମଜା ନେଉଥିଲେ ପର୍ଯ୍ୟଟକ। ହେଲେ ବେଲୁନରେ ନିଆଁ ଲାଗିଯିବାରୁ ଚାଲିଗଲା ୮ ଜଣଙ୍କ ଜୀବନ। ଅନ୍ୟ ୧୩ ଜଣ ଏହି ଘଟଣାରେ ଆହତ ହୋଇଛନ୍ତି। ଘଟଣାଟି ଘଟିଛି ବ୍ରାଜିଲରେ। ଏହାର ଭିଡିଓ ଏବେ ସାମାଜିକ ଗଣମାଧ୍ୟମରେ ପ୍ରଘଟ ହେଉଛି।

ସୂଚନା ଅନୁସାରେ, ଶନିବାର ସକାଳେ ୨୧ ଜଣ ପର୍ଯ୍ୟଟକ ସାଣ୍ଟା କାଟାରିନା ରାଜ୍ୟର ପ୍ରେଇଆ ଗ୍ରାଣ୍ଡେ ସହରରେ ହଟ୍‌ ଏୟାର ବେଲୁନରେ ବସି ଆକାଶରେ ଉଡ଼ି ମଜା ନେଉଥିଲେ। କୌଣସି କାରଣରୁ ବେଲୁନରେ ନିଆଁ ଲାଗିଯାଇଥିଲା। କ୍ଷଣିକ ମଧ୍ୟରେ ବେଲୁନଟି ନିଆଁ ପିଣ୍ଡୁଳା ପାଲଟିଯିବା ସହିତ ବହୁ ଉଚ୍ଚତାରୁ ତଳକୁ ଖସିପଡ଼ିଥିଲା। ଆହତମାନଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଛି। ସେମାନଙ୍କର ଚିକିତ୍ସା ଚାଲିଥିବା ସାଣ୍ଟା କାଟାରିନାର ସାମରିକ ଅଗ୍ନିଶମ ବାହିନୀ ପକ୍ଷରୁ ସୂଚନା ଦିଆଯାଇଛି।

NOW – Hot air balloon crashed in Praia Grande, Brazil.pic.twitter.com/a0BveukfAU

— Disclose.tv (@disclosetv) June 21, 2025