କଲକାତା : କଲକାତାର ଇଡେନ ଗାଡେନ୍ସଠାରେ ଚାଲିଥିବା ଆଇସିସି ବିଶ୍ବକପର ମ୍ୟାଚରେ ପାକିସ୍ତାନ ୭ ୱିକେଟରେ ବିଜୟୀ ହୋଇଛି। ୩୩.୩ ଓଭରରେ ୩ ୱିକେଟ ବିନିମୟରେ ପାକିସ୍ତାନ ଏହି ବିଜୟ ହାସଲ କରିଛି। ପ୍ରଥମେ ବ୍ୟାଟିଂ କରି ବାଂଲାଦେଶ ୪୫.୧ ଓଭରରେ ସମସ୍ତ ୱିକେଟ ହରାଇ ୨୦୪ ରନ ସ୍କୋର କରିଥିଲା। ୨୦୫ ରନ ବିଜୟ ଲକ୍ଷ୍ୟ ନେଇ ପାକିସ୍ତାନ ୩୨.୩ ଓଭରରେ ମ୍ୟାଚକୁ ଜିତିନେଇଥିଲା। ପାକିସ୍ତାନ ପକ୍ଷରୁ ଫକର ଜମାନ ସର୍ବାଧିକ ୮୧ ରନ କରିଥିଲୋ। ସେହିପରି ଅବଦୁଲ୍ଲା ସଫିକ୍ ୬୮ ରନ ମହମ୍ମଦ ରିଜୱାନ ଅପରାଜିତ ୨୬ ରନ କରି ଦଳକୁ ବିଜୟୀ କରାଇବାରେ ପ୍ରମୁଖ ଭୂମିକା ନିର୍ବାହ କରିଥିଲେ।
ଆଜିର ମ୍ୟାଚରେ ବାଂଲାଦେଶ ଟସ୍ ଜିତିଥିଲା ଓ ପ୍ରଥମେ ବ୍ୟାଟିଂ କରିବାକୁ ନିଷ୍ପତ୍ତି ନେଇଥିଲା। ଦଳର ବ୍ୟାଟିଂ ବିପର୍ଯ୍ୟୟ ଯୋଗୁଁ କୌଣସି ରନ ସ୍କୋର ହେବା ପୂର୍ବରୁ ନିଜର ପ୍ରଥମ ୱିକେଟ ହରାଇଥିଲା। ଏହାପରେ ସ୍କୋର ୬ ରନଥିବାବେଳେ ଦ୍ବିତୀୟ ୱିକେଟ ଓ ସ୍କୋର ୨୩ରନ ଥିବାବେଳେ ୩ୟ ୱିକେଟ ପଡ଼ିଥିଲା। ଲିଟନ ଦାସ ଓ ମହମ୍ମଦୁଲ୍ଲାଙ୍କ ମଧ୍ୟରେ ଭଲ ପାର୍ଟନରସିପ ଫଳରେ ସ୍କୋର ଏକ ସମ୍ମାନଜନକ ସ୍ତରରେ ପହଞ୍ଚିପାରିଥିଲା। ଲିଟନ ଦାସ ୪୫ ରନ କରିଥିବାବେଳେ ମହମ୍ମଦୁଲ୍ଲା ୫୬ରନ କରିଥିଲେ । ସେହିପରି ସକିବୁଲ ହାସାନ ୪୩ ରନ ଓ ମେହେଦି ହାସାନ ମିରାଜ୍ ୨୫ ରନ କରିଥିଲେ । ଦଳ ୪୫.୧ ଓଭରରେ ୨୦୪ ରନ କରି ଅଲଆଉଟ ହୋଇଯାଇଥିଲା । ପାକିସ୍ତାନ ପକ୍ଷରୁ ଶାହିନ ଆଫ୍ରିଦି ଓ ମହମ୍ମଦ ୱାସିମ୍ ଜୁନିୟର ୩ଟି ଲେଖାଏଁ ୱିକେଟ ନେଇଥିଲେ।
