ଭୁବନେଶ୍ୱର: ଶେଷରେ ନିଜ ମାଟିକୁ ଫେରିଲେ ଉତ୍ତରକାଶୀ ଟନେଲରୁ ଉଦ୍ଧାର ହୋଇଥିବା ଓଡ଼ିଆ ଶ୍ରମିକ। ଶ୍ରମ ମନ୍ତ୍ରୀ ସାରଦା ପ୍ରସାଦ ନାୟକଙ୍କ ସହ ଶୁକ୍ରବାର ଶ୍ରମିକମାନେ ଭୁବନେଶ୍ବରରେ ପହଞ୍ଚିଛନ୍ତି। ଭୁବନେଶ୍ବର ବିମାନ ବନ୍ଦରରେ ସେମାନଙ୍କୁ ପୁଷ୍ପମାଲ୍ୟ ଦେଇ ସ୍ବାଗତ କରାଯାଇଛି। ଗୁରୁବାର ସମସ୍ତ ୫ ଓଡ଼ିଆ ଶ୍ରମିକ ଋଷିକେଶ ଏମ୍ସରୁ ଡିସଚାର୍ଜ ହେବା ପରେ ଦିଲ୍ଲୀ ଆସି ଓଡ଼ିଶା ଭବନରେ ରହିଥିଲେ। ଶୁକ୍ରବାର ୪ ଶ୍ରମିକ ନିଜ ପରିବାର ସଦସ୍ୟଙ୍କ ସହ ଭୁବନେଶ୍ବରରେ ପହଞ୍ଚିଛନ୍ତି। ଅନ୍ୟଜଣେ ଶ୍ରମିକ ପରେ ଆସିବା ନେଇ ସୂଚନା ମିଳିଛି।
ଅପରପକ୍ଷେ, ଦୀର୍ଘ ଦିନର ସଂଗ୍ରାମ ପରେ ଟନେଲ ଭିତରୁ ବାହାରି ସୁରକ୍ଷିତ ନିଜ ମାଟିରେ ପହଞ୍ଚିବା ନେଇ ଖୁସି ପ୍ରକାଶ କରିଛନ୍ତି ସମସ୍ତ ଶ୍ରମିକ। ଏଥିସହ ରାଜ୍ୟ ସରକାରଙ୍କ ଉଦ୍ୟମ ପାଇଁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ସେମାନେ କୃତଜ୍ଞତା ଜଣାଇଛନ୍ତି।
Comments are closed.