ଭିଡିଓ ଦେଖି ମୁଣ୍ଡ ବୁଲାଇବ ; ଅର୍ଡର କରିଥିଲେ ମାଛ ତରକାରୀ; ବାହାରିଲା ମେଞ୍ଚା ମେଞ୍ଚା ପୋକ..
ନୂଆଦିଲ୍ଲୀ : ସୋସିଆଲ ମିଡିଆରେ ଗତ କିଛି ଦିନ ହେବ ଏକ ହୋସ୍ ଉଡାଇବା ଭଳି ଭିଡିଓ ଭାଇରାଲ୍ ହେଉଛି। ଯାହାକୁ ଦେଖିବା ପରେ ଆପଣଙ୍କ ମୁଣ୍ଡ ମଧ୍ୟ ବୁଲାଇଦେବ। ଭିଡିଓରେ ଦେଖାଯାଉଛି, ରେସ୍ତୋରାଁରେ ଜଣେ ଗ୍ରାହକ ଅର୍ଡର କରିଥିବା ମାଛ ତରକାରୀରୁ ଜୀଅନ୍ତା ପୋକ ଗୁଡିକ ବାହାରି ଆସୁଛନ୍ତି। ଗୋଟିଏ କିମ୍ବା ୨ଟି ନୁହେଁ ବରଂ ଅନେକ ମାତ୍ରାରେ ଏହି ପୋକ ଆସୁଛନ୍ତି। ଯାହାକୁ ଦେଖି ଯେ କେହି ମଧ୍ୟ ବିଚଳିତ ହୋଇ ଯିବ। ଚିନ୍ତା କରନ୍ତୁ ସେହି ଗ୍ରାହକଙ୍କୁ କିଭଳି ଅନୁଭବ ହେଉଥିବ..
ଭାଇରାଲ ହେଉଥିବା ଭିଡିଓଟି ନାଗାଲ୍ୟାଣ୍ଡର ଏକ ରେସ୍ତୋରାଁର ବୋଲି ଜଣାପଡିଛି। ମିଳିଥିବା ସୂଚନାନୁଯାୟୀ, ଜଣେ ମହିଳା ରେସ୍ତୋରାଁରେ ଖାଦ୍ୟ ଅର୍ଡର କରିଥିଲେ। ସେ ଅର୍ଡର କରିଥିବା ମାଛ ତରକାରୀରୁ ପୋକ ଚାଲୁଥିବା ଦେଖିଥିଲେ। ଏହି ଘଟଣା ପରେ ରେସ୍ତୋରାଁରେ ହଙ୍ଗାମା ହୋଇଥିଲା। ଏଭଳି ପୋକ ସାଧାରଣତଃ ଖାଦ୍ୟ ଜିନିଷ ଅଧିକ ଦିନର ହୋଇଥିଲେ କିମ୍ବା ଖାଦ୍ୟ ନଷ୍ଟ ହୋଇ ଯାଇଥିଲେ ସେଥିରେ ଦେଖାଯାଏ। ଏହି ପୋକର ରଙ୍ଗ ହଳଦିଆ ଓ ଧଳା।
ରେସ୍ତୋରାଁରେ ଏଭଳି ଖାଦ୍ୟକୁ ଦେଖି ସ୍ପଷ୍ଟ ହୋଇଛି ଯେ ଏଠାରେ ଆଦୌ ସ୍ୱଚ୍ଛତା ପ୍ରତି ଧ୍ୟାନ ଦିଆଯାଉ ନାହିଁ। ଭିଡିଓ ଦେଖିବା ପରେ ଲୋକେ ନିଜର ମତ ଦେଉଛନ୍ତି। କ୍ରୋଧ ମଧ୍ୟ ପ୍ରକାଶ କରୁଛନ୍ତି।
Comments are closed.