ଶୀତଦିନେ ଖାଦ୍ୟ ପାଇଁ ହେଉ ଅଥବା ଅନ୍ୟ କୌଣସି କାରଣ ପାଇଁ ପେଟ ଜନିତ କିଛି ସମସ୍ୟା ଦେଖାଯାଇଥାଏ। ଏଭଳି ସମସ୍ୟାରୁ ମୁକ୍ତି ପାଇବା ପାଇଁ କିଛି ସରଳ ଉପାୟ ବିଷୟରେ ଜାଣନ୍ତୁ….
– ପର୍ଯ୍ୟାପ୍ତ ମାତ୍ରାରେ ପାଣି ପିଅନ୍ତୁ। ପାଣି ପିଇବା ଦ୍ୱାରା ଖାଦ୍ୟ ଭଲ ଭାବେ ହଜମ ହେବା ସହ ପାଚନ ତନ୍ତ୍ର ସୁସ୍ଥ ରହିଥାଏ। ଶରୀରରେ ଜଳୀୟ ଅଂଶର ଅଭାବ ହୋଇନଥାଏ।
– ସକାଳେ ଉଠିବା ମାତ୍ରେ ପ୍ରଥମେ ଏକ ଗ୍ଲାସ ପାଣି ପିଅନ୍ତୁ। ଏହାଦ୍ୱାରା ବାରମ୍ବାର ହେଉଥିବା ପେଟ ଯନ୍ତ୍ରଣା ଦୂର ହୋଇଥାଏ।
– ପାଣିରେ ପାନମଧୁରୀ ପକାଇ ପିଇ ପାରିବେ। ଏହାସହ ଜୁଆଣୀ, ମହୁ, ଲେମ୍ବୁ ରସ ମିଶାଇ ମଧ୍ୟ ପିଇପାରିବେ। ଏହାଦ୍ୱାରା ଖାଦ୍ୟ ଭଲ ଭାବେ ହଜମ, ମୋଟାପଣ ହ୍ରାସ ସହ ଗ୍ୟାସଟିକ ଓ ଏସିଡିଟି ସମସ୍ୟା ମଧ୍ୟ ଦୂର ହୋଇଥାଏ।
ସେହିଭଳି ଗ୍ୟାସଟିକ ଜନିତ ସମସ୍ୟା ଦୂର ପାଇଁ ସେଓ ସିରକା ମଧ୍ୟ ପିଇ ପାରିବେ।
– ପେଟ ଯନ୍ତ୍ରଣା, ବାନ୍ତି, ବଦହଜମି ଭଳି ସମସ୍ୟା ଦୂର ପାଇଁ ପୁଦିନା ପତ୍ର ପାଣିରେ ଭିଜାଇ ଏହାକୁ ପିଅନ୍ତୁ। ଏହା ଖୁବ ଉତ୍ତମ ଫଳ ପ୍ରଦାନ କରିଥାଏ।
– ଶୀତଦିନେ ପେଟ ଜନିତ ସମସ୍ୟା ଦୂର ପାଇଁ ଖାଦ୍ୟ ଖାଇବା ପରେ ଅଳ୍ପ ସମୟ ଚାଲନ୍ତୁ।
– ଶୀତଦିନେ ବାରମ୍ବାର ହଜମ ଜନିତ ସମସ୍ୟା ହେଉଥିଲେ ଡାକ୍ତରଙ୍କ ପରାମର୍ଶ ନିଅନ୍ତୁ।
Comments are closed.