ନବବର୍ଷ ୨୦୨୪ ଆରମ୍ଭ ହୋଇ ସାରିଛି। ଏହି ବର୍ଷ କିଭଳି କଟିବ,କେଉଁ ଗ୍ରହଙ୍କ ପ୍ରଭାବ ଅଧିକ ରହିବ,ସଭିଁଙ୍କ ମନରେ ଏହି ପ୍ରଶ୍ନ ବାରମ୍ବାର ଆସିଥାଏ। ତେବେ ଜାଣନ୍ତୁ ବର୍ଷ ୨୦୨୪ ଓ ଅଙ୍କ ଜ୍ୟୋତିଷ ସହ ଜଡିତ ଏହି ମହତ୍ତ୍ୱପୂର୍ଣ୍ଣ ତଥ୍ୟ..
ଅଙ୍କ ଜ୍ୟୋତିଷ ଅନୁଯାୟୀ, ୨୦୨୪ ଏକାଠି ହେଲେ ଏହା ୮ ହୋଇଥାଏ। ଏହି ଅଙ୍କ ଶନିଙ୍କ ସହ ସମ୍ବନ୍ଧିତ। ଏହି କାରଣରୁ ବର୍ଷ ୨୦୨୪ ଶନିଦେବତାଙ୍କ ସବୁଠାରୁ ଅଧିକ ପ୍ରଭାବ ରହିବ। ଶନିଙ୍କ ପ୍ରଭାବ କାରଣରୁ ଏହି ବର୍ଷରେ ଅନେକ ଘଟଣା ଘଟିବାର ସମ୍ଭାବନା ରହିଛି। ରାଜନୀତି ଜଗତରେ ଉତ୍ଥାନପତନ ଲାଗି ରହିବ। ପଡୋଶୀ ଦେଶ ସହ ବିବାଦ ହୋଇପାରେ। ପ୍ରାକୃତିକ ବିପର୍ଯ୍ୟୟ ଆସିପାରେ।
ଏହାସହ ଶନିଙ୍କ ପ୍ରଭାବ ହେତୁ ବର୍ଷ ୨୦୨୪ରେ ଲୋକଙ୍କର ଧର୍ମ-କର୍ମ ପ୍ରତି ବିଶ୍ୱାସ ବୃଦ୍ଧି ପାଇବ। ଦେଶ ଦୁନିଆରେ ଅନେକ ମନ୍ଦିର,ମଠ ଆଦି ତିଆରି ହେବ।
ଜ୍ୟୋତିଷ ଶାସ୍ତ୍ରରେ ଅଙ୍କ ୨୪କୁ ବହୁତ ଶୁଭ ବୋଲି ବିବେଚନା କରାଯାଏ। ଅଙ୍କ ଜ୍ୟୋତିଷ ଅନୁଯାୟୀ ଏହା ନକରାତ୍ମକ ଶକ୍ତିକୁ ଦୂର କରିବା ସହ ସକରାତ୍ମକ ଶକ୍ତି ଆଣିଥାଏ। ଏହି ଅଙ୍କ ଧନଲାଭ ସହ ମଧ୍ୟ ଜଡିତ। ହିନ୍ଦୁଧର୍ମରେ ଅଙ୍କ ୨୪ର ବିଶେଷ ମହତ୍ତ୍ୱ ରହିଛି। ଭଗବାନ ବିଷ୍ଣୁଙ୍କ ୨୪ ଅବତାର ରହିଛି। ଗାୟନ୍ତ୍ରୀ ମନ୍ତ୍ରରେ ମଧ୍ୟ ୨୪ ଅକ୍ଷର ରହିଛି।
ସୁନାର ଶୁଦ୍ଧତା ମାପ ପାଇଁ ୨୪ କ୍ୟାରେଟ୍ ଶବ୍ଦର ପ୍ରୟୋଗ କରାଯାଏ। ସେଭଳି ଦିନରାତି ମିଶି ୨୪ ଘଣ୍ଟା ହୋଇଥାଏ। ଅଶୋକ ଚକ୍ରରେ ମଧ୍ୟ ୨୪ ଅର ରହିଛି। ତେଣୁ ଅଙ୍କ ୨୪ର ଅନେକ ମହତ୍ତ୍ୱ ରହିଛି।
ବର୍ଷ ୨୦୨୪ରେ ରହିବ ଶନିଙ୍କ ପ୍ରଭାବ ; ଘଟିପାରେ ଏସବୁ ଘଟଣା
Popular Categories
Previous article
Next article