ନୂଆଦିଲ୍ଲୀ: ରାଷ୍ଟ୍ରୀୟ ସ୍ୱୟଂ ସେବକ ସଙ୍ଘ (ଆରଏସଏସ)କୁ ୧୯୪୮ ମସିହାରେ ନିଷିଦ୍ଧ ଘୋଷଣା କରିବା ଓ ୧୯୪୯ରେ ନିଷେଧାଦେଶ ପ୍ରତ୍ୟାହାର କରିବା ସମ୍ବନ୍ଧିତ ଗୁରୁତ୍ୱପୂର୍ଣ ଫାଇଲ ମିଳୁ ନଥିବା ଜଣାପଡିଛି। ମହାତ୍ମା ଗାନ୍ଧୀଙ୍କ ହତ୍ୟା ପରେ ୧୯୪୮ରେ ଆରଏସଏସକୁ ନିଷିଦ୍ଧ ଘୋଷଣା କରାଯାଇଥିଲା। ଦିଲ୍ଲୀର ସୂଚନା ଅଧିକାର କର୍ମୀ ଭେଙ୍କଟେଶ ନାୟକଙ୍କ ଦ୍ୱାରା ୧୯୪୯ରେ ଆରଏସଏସ ଉପରୁ ନିଷେଧାଦେଶ ପ୍ରତ୍ୟାହାର ସମ୍ପର୍କିତ ଫାଇଲ ଖୋଳତାଡ଼ କରିବା ବେଳେ ଏହି ସୂଚନା ମିଳିଛି। ଭେଙ୍କଟେଶ ୧୯୪୯ରେ ଭାରତୀୟ ଜାତୀୟ ଗ୍ରନ୍ଥାଗାରରେ ଗବେଷଣା କରୁଥିଲେ।
ସୂଚନା ଅଧିକାର ବଳରେ ଏହି ତଥ୍ୟ ପାଇଁ ଆବେଦନ କରିବା ପରେ ଜଣାପଡିଛି ଯେ, ଗୃହ ମନ୍ତ୍ରାଳୟ ସେ ସମ୍ପର୍କିତ କାଗଜପତ୍ର ଏ ପର୍ଯ୍ୟନ୍ତ ଗ୍ରନ୍ଥାଗାରକୁ ହସ୍ତାନ୍ତର କରି ନାହିଁ। ଗୃହ ମନ୍ତ୍ରାଳୟ ମଧ୍ୟ ସେହି ଫାଇଲ ମନ୍ତ୍ରାଳୟ ପାଖରେ ନ ଥିବା କହିଛି।