ହ୍ବାଟ୍ସଆପ୍ ଆଣିଲା ନୂଆ ସୁବିଧା, ଷ୍ଟାଟସକୁ କରିପାରିବେ ଲାଇକ୍

ନୂଆଦିଲ୍ଲୀ : ମେସେଜ୍, ଭିଡିଓ ବା ଫଟୋ ପଠାଇବା ପାଇଁ ଲୋକମାନେ ହ୍ବାଟ୍ସଆପକୁ ଅଧିକ ବ୍ୟବହାର କରୁଛନ୍ତି । ଏହାର ଷ୍ଟାଟସ୍ ସୁବିଧାକୁ ମଧ୍ୟ ଲୋକେ ବହୁଳ ବ୍ୟବହାର କରୁଛନ୍ତି । ଏହି ସୁବିଧା ଅନୁସାରେ ଆପଣ ନିଜ ବନ୍ଧୁ ବା ପରିବାର ଲୋକଙ୍କ ଷ୍ଟାଟସ ଦେଖିପାରିବେ ଏବଂ ସେମାନେ ମଧ୍ୟ ଆପଣ ପୋଷ୍ଟ କରୁଥିବା ଷ୍ଟାଟସ ୨୪ ଘଣ୍ଟା ମଧ୍ୟରେ ଦେଖିପାରିବେ ।

ଏବେ ହ୍ବାଟ୍ସଆପ୍ ଏକ ସୁବିଧା ନେଇଆସିଛି । ଏହି ସୁବିଧା ଅନୁସାରେ ଏଣିକି ଆପଣ କାହାର ଷ୍ଟାଟସ୍ ଦେଖିବା ସହ ଲାଇକ୍ ମଧ୍ୟ କରିପାରିବେ । ପୂର୍ବରୁ କେବଳ ରିପ୍ଲାଇ ଦେଇହେଉଥିଲା । କିନ୍ତୁ ଏଣିକି ଆପଣ ହ୍ବାଟ୍ସଆପ୍ ଷ୍ଟାଟସକୁ ଲାଇକ୍ ବା ପସନ୍ଦ କରିପାରିବେ । ଏହି ଫିଚର ରିପ୍ଲାଇ ବଟନ ପାଖରେ ଏକ ହୃଦୟ ଆକାରର ଆଇକନ୍ ରୂପେ ନଜର ଆସିବ । ଏହି ବିକଳ୍ପ ଉପରେ କ୍ଲିକ୍ କରି ଆପଣ ଦେଖିଥିବା ଷ୍ଟାଟସକୁ ଲାଇକ୍ କରିପାରିବେ ।