ଜଳେଶ୍ୱର: ଲକ୍ଷ୍ମଣନାଥ ଟୋଲ ଗେଟରେ ପଶ୍ଚିମବଙ୍ଗ ପୁଲିସକୁ ହଟହଟ୍ଟା ହେବାକୁ ପଡିଛି। ପଶ୍ଚିମବଙ୍ଗରୁ ଚୋରା ରାସ୍ତା ଦେଇ ଓଡ଼ିଶା ଆସିଥିବା ଏକ ଆଳୁ ଗାଡ଼ିକୁ ନେଇ ଯିବାକୁ ଅଡ଼ି ବସିବାରୁ ପଶ୍ଚିମବଙ୍ଗ ପୁଲିସ ସହିତ ସ୍ଥାନୀୟ ଲୋକ ଓ ବ୍ୟବସାୟୀ ଯୁକ୍ତିତର୍କ କରିଥିଲେ । ଫଳରେ ଲକ୍ଷ୍ମଣନାଥ ଟୋଲ ଗେଟରେ ଉତ୍ତେଜନା ଦେଖା ଦେଇଥିଲା। ଖବର ପାଇ ଓଡିଶା ପୁଲିସ ଘଟଣା ସ୍ଥଳରେ ପହିଞ୍ଚି ପରିସ୍ଥିତିକୁ ନିୟନ୍ତ୍ରଣ କରିଥିଲା। ଶେଷରେ ପଶ୍ଚିମବଙ୍ଗରୁ ଚୋରା ରାସ୍ତା ଦେଇ ଓଡ଼ିଶା ଆସିଥିବା ଏକ ଆଳୁ ଗାଡ଼ିକୁ ନ ନେଇ ଖାଲି ହାତରେ ସେଠାରୁ ପଶ୍ଚିମବଙ୍ଗକୁ ଫେରିଯାଇଥିଲା ପଶ୍ଚିମବଙ୍ଗ ପୁଲିସ।
ମିଳିଥିବା ସୂଚନା ଅନୁଯାୟୀ, ପଶ୍ଚିମବଙ୍ଗରୁ ଏକ ଆଳୁ ଗାଡ଼ି ଚୋରା ରାସ୍ତା ଦେଇ ଓଡ଼ିଶା ଆସୁଥିଲା। ଆଳୁ ଗାଡ଼ିର ପିଛା କରି ପଶ୍ଚିମବଙ୍ଗ ପୁଲିସ ଲକ୍ଷ୍ମଣନାଥ ଟୋଲ ଗେଟରେ ପହଞ୍ଚିଥିଲା। ସେଠାରେ ଓଡ଼ିଶା ଆସିଥିବା ଏକ ଆଳୁ ଗାଡ଼ିକୁ ନେଇ ଯିବାକୁ ଅଡ଼ି ବସିବାରୁ ପଶ୍ଚିମବଙ୍ଗ ପୁଲିସକୁ ସ୍ଥାନୀୟ ଲୋକେ ଓ ବ୍ୟବସାୟୀ ବିରୋଧ କରିଥିଲେ। ଫଳରେ ଲକ୍ଷ୍ମଣନାଥ ଟୋଲ ଗେଟରେ ଉତ୍ତେଜନା ପ୍ରକାଶ ପାଇଥିଲା। ସ୍ଥାନୀୟ ଲୋକେ ଓ ବ୍ୟବସାୟୀଙ୍କ ବିରୋଧ ଯୋଗୁ ସେଠାରେ ପଶ୍ଚିମବଙ୍ଗ ପୁଲିସକୁ ହଟହଟ୍ଟା ହେବାକୁ ପଡିଥିଲା। ପଶ୍ଚିମବଙ୍ଗରୁ ଚୋରା ରାସ୍ତା ଦେଇ ଓଡ଼ିଶା ଆସିଥିବା ଏକ ଆଳୁ ଗାଡ଼ିକୁ ଫେରାଇ ନେଇ ପାରିନଥିଲା ଓ ପଶ୍ଚିମବଙ୍ଗ ପୁଲିସ ଖାଲି ହାତରେ ସେଠାରୁ ପଶ୍ଚିମବଙ୍ଗକୁ ଫେରିଯାଇଥିଲା ।
Comments are closed.