ଡେସ୍କ: ବଙ୍ଗୋପସାଗରରେ ସୃଷ୍ଟି ହୋଇଥିବା ଲଘୁଚାପ ଆହୁରି ଅଧିକ ଘନୀଭୂତ ହୋଇ ଆଜି ସକାଳେ ଏକ ଘୂର୍ଣ୍ଣିବାତ୍ୟାରେ ପରିଣତ ହୋଇଛି। ତାହାର ନାମ ‘ମୋଖା’ ରଖାଯାଇଛି। ଏହା ପୋର୍ଟବ୍ଲେୟରଠାରୁ ୫୧୦ କିଲୋମିଟର ପଶ୍ଚିମ-ଦକ୍ଷିଣ-ପଶ୍ଚିମ ଓ ବାଙ୍ଗଲାଦେଶର କୋକ୍ସ ବଜାରଠାରୁ ୧୧୯୦ କିଲୋମିଟର ଦକ୍ଷିଣ-ଦକ୍ଷିଣ-ପଶ୍ଚିମକୁ ଅବସ୍ଥାନ କରିଛି। ଭାରତୀୟ ପାଣିପାଗ ବିଭାଗ ମହାନିର୍ଦ୍ଦେଶକ ମୃତ୍ୟୁଞ୍ଜୟ ମହାପାତ୍ର କହିଛନ୍ତି ଏହି ଘୂର୍ଣ୍ଣିବାତ୍ୟା ଆଜି ମଧ୍ୟରାତ୍ରି ସୁଦ୍ଧା ଆହୁରି ଘନୀଭୂତ ହୋଇ ଏକ ବଡ଼ ଘୂର୍ଣ୍ଣିବାତ୍ୟାର ରୂପ ନେବ। ସେ କହିଛନ୍ତି ଘୂର୍ଣ୍ଣିବାତ୍ୟା ‘ମୋଚା’ର ଓଡ଼ିଶା ଓ ଆନ୍ଧ୍ରପ୍ରଦେଶ ଉପକୂଳ ପ୍ରତି କୌଣସି ପ୍ରଭାବ ପଡ଼ିବ ନାହିଁ। ଏହି ଘୂର୍ଣ୍ଣିବାତ୍ୟା ବାଙ୍ଗଲାଦେଶ ମ୍ୟାଁମାର ଉପକୂଳ ଆଡ଼କୁ ଗତି କରିବ। ତେବେ ଏହି ସମୟରେ ସମୁଦ୍ର ଅତ୍ୟନ୍ତ ଅଶାନ୍ତ ରହିବ। ଶ୍ରୀ ମହାପାତ୍ର କହିଛନ୍ତି, ଦକ୍ଷିଣ-ପୂର୍ବ ଓ କେନ୍ଦ୍ରୀୟ ବଙ୍ଗୋପସାଗର ଏବଂ ଆଣ୍ଡାମାନ ସାଗରରେ ରବିବାର ପର୍ଯ୍ୟନ୍ତ ମତ୍ସ୍ୟଜୀବୀମାନଙ୍କୁ ସମୁଦ୍ର ଭିତରକୁ ନଯିବାକୁ ପରାମର୍ଶ ଦିଆଯାଇଛି।
Popular Categories
Previous article
Next article