ଭୁବନେଶ୍ୱର : ତତଲା କଡେଇରେ ଭାଜି ହେଉଛି ସାରା ରାଜ୍ୟ। ରାଜ୍ୟରେ ସମସ୍ତ ସ୍ଥାନରେ ପ୍ରବଳ ଗରମ ଓ ଗୁଳୁଗୁଳି ଜାରି ରହିଛି। ଦିନ ସାଢେ ୧୧ଟା ସୁଦ୍ଧା ୪୨.୨ ସହ ସମ୍ବଲପୁର ସବୁଠାରୁ ଉତ୍ତପ୍ତ ସହର। ଝାରସୁଗୁଡା ୪୧.୬, ହୀରାକୁଦ ୪୧, କେନ୍ଦୁଝର ୩୮.୨, ଭୁବନେଶ୍ୱର ୩୭.୨, ଗୋପାଳପୁର ୩୫.୬, ବାଲେଶ୍ୱର ୩୪.୮ ରେକର୍ଡ କରାଯାଇଛି।
ଆଜି ଦିନ ୧୧.୩୦ ସୁଦ୍ଧା ରେକର୍ଡ ତାପମାତ୍ରା
ସମ୍ବଲପୁର: ୪୨.୨°C
ଝାରସୁଗୁଡା: ୪୧.୬°C
ହୀରାକୁଦ: ୪୧°C
କେନ୍ଦୁଝର: ୩୮.୨°C
ଭୁବନେଶ୍ୱର: ୩୭.୨ °C
ଗୋପାଳପୁର: ୩୫.୬°C
ବାଲେଶ୍ୱର: ୩୪.୮°C
ପୁରୀ: ୩୪.୪°C
ଚାନ୍ଦବାଲି: ୩୩.୨°C
ପାରାଦୀପ: ୩୧.୮°C#heatwave— Meteorological Centre, Bhubaneswar (@mcbbsr) June 10, 2023
ଆଜି ଦିନ ୧୧.୩୦ ସୁଦ୍ଧା ରେକର୍ଡ ଆଦ୍ରତା
ପୁରୀ: ୮୦%
ଗୋପାଳପୁର: ୭୨%
ପାରାଦୀପ: ୭୦%
ଚାନ୍ଦବାଲି: ୬୬%
ଭୁବନେଶ୍ୱର: ୬୪%
ବାଲେଶ୍ୱର: ୫୬%
କେନ୍ଦୁଝର: ୪୬%
ଝାରସୁଗୁଡା: ୨୭%
ସମ୍ବଲପୁର: ୨୬%
ହୀରାକୁଦ: ୨୯%— Meteorological Centre, Bhubaneswar (@mcbbsr) June 10, 2023
ସେହିପରି ଚଳିତ ବର୍ଷ ରଜରେ ପ୍ରଚଣ୍ଡ ଖରା ସମ୍ଭାବନା ରହିଛି। ଆସନ୍ତା ୧୫ କିମ୍ବା ଏହା ପରେ ମୌସୁମୀ ଓଡିଶା ଛୁଇଁବାର ସମ୍ଭାବନା ରହିଛି। ନିର୍ଦ୍ଦିଷ୍ଟ ଭାବେ କେବେ ଓଡିଶା ଛୁଇଁବ ଏଯାଏ ଭାରତୀୟ ପାଣିପାଗ ବିଭାଗ ଆକଳନ କରି ନାହିଁ ବୋଲି ସୂଚନା ମିଳିଛି। ଏନେଇ ଭାରତୀୟ ପାଣିପାଗ ବିଭାଗ ମହାନିର୍ଦ୍ଦେଶକ ମୃତ୍ୟୁଞ୍ଜୟ ମହାପାତ୍ରଙ୍କ ପକ୍ଷରୁ ସୂଚନା ମିଳିଛି। ଚଳିତ ବର୍ଷ ଭାରତକୁ ମୌସୁମୀ ୭ ଦିନ ବିଳମ୍ବରେ ପହଞ୍ଚିଛି। ଆଜି ପୂରା କେରଳ ଛୁଇଁଥିବା ବେଳେ କର୍ଣ୍ଣାଟକ ଓ ତାମିଲନାଡୁରେ ପହଞ୍ଚିଛି। ଉତ୍ତର ପୂର୍ବ ଭାରତର ଅଧିକାଂଶ ଅଞ୍ଚଳକୁ ମଧ୍ୟ ମୌସୁମୀ ଛୁଇଁଛି। ସେହିପରି ବାଂଲାଦେଶ – ମିଆଁମାର ଉପକୂଳରେ ଏକ ଲଘୁଚାପ କ୍ଷେତ୍ର ସକ୍ରିୟ ରହିଛି। ଓଡିଶାକୁ ୧୨ ସୁଦ୍ଧା ମୌସୁମୀ ଆସିଥାଏ। ମାତ୍ର ଚଳିତ ବର୍ଷ ବିଳମ୍ବ ହୋଇପାରେ। ଏହାସହ ୧୫ କିମ୍ବା ଏହାପରେ ଓଡିଶାରେ ସ୍ୱାଭାବିକ ବର୍ଷା ହୋଇପାରେ। ଓଡିଶାକୁ କେବେ ଛୁଇଁବ ସେନେଇ ପୂର୍ବାନୁମାନ ହୋଇନଥିବା ବେଳେ ୨ ରୁ ୩ ଦିନ ମଧ୍ୟରେ ଏନେଇ ସ୍ପଷ୍ଟତା ମିଳିବ ବୋଲି ସୂଚନା ମିଳିଛି।
Comments are closed.