ଭୁବନେଶ୍ୱର : କଳିଙ୍ଗ ଷ୍ଟାଡ଼ିୟମରେ ହେବାକୁ ଥିବା ୧୪ଶ ପୁରୁଷ ହକି ବିଶ୍ୱକପ ଖେଳାଯିବ। ଏଥିପାଇଁ ସୋମବାର ସନ୍ଧ୍ୟାରେ ଉକ୍ତ ବିଶ୍ୱକପ୍ର ଟ୍ରଫି ଏଠାରେ ଉନ୍ମୋଚନ ହେବ। ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଓ ଅନ୍ତର୍ଜାତୀୟ ହକି ମହାସଂଘର ସଭାପତି ନରିନ୍ଦର ବାତ୍ରା ହକି ବିଶ୍ୱକପ ଟ୍ରଫି ଉନ୍ମୋଚନ କରିବେ। ଏହି ଅବସରରେ ଓଡ଼ିଶାରେ କ୍ରୀଡ଼ା ଭିତ୍ତିଭୂମି ଉନ୍ନତି କରିବା ଏବଂ କ୍ରୀଡ଼ାବିତ୍ଙ୍କୁ ସମସ୍ତ ପ୍ରକାର ସହଯୋଗ ଯୋଗାଇ ଦବା ଲକ୍ଷ୍ୟରେ ରାଜ୍ୟ ସରକାର ଏବଂ ବିଭିନ୍ନ ଶିଳ୍ପ ସଂସ୍ଥା ସହିତ ଚୁକ୍ତି ସ୍ୱାକ୍ଷର କରିବେ। ଏହି ସ୍ୱତନ୍ତ୍ର ଉତ୍ସବରେ କ୍ରିକେଟ ତାରକା ଅନୀଲ କୁମ୍ବଲେ, ସୁଟର ଗଗନ ନାରଙ୍ଗ, ବ୍ୟାଡ୍ମିଣ୍ଟନ ତାରକା ପୁଲୈଲା ଗୋପୀଚାନ୍ଦ ଯୋଗେଦେ। ହକିପ୍ରେମୀଙ୍କୁ ଆକୃଷ୍ଟ କରିବା ଲାଗି ସାଂସ୍କୃତିକ କାର୍ଯ୍ୟକ୍ରମ ମଧ୍ୟ ଅନୁଷ୍ଠିତ ହେବ। ଭାରତୀୟ ହକିକୁ ନେଇ ନିର୍ମିତ ବଲିଉଡ୍ ଚଳଚ୍ଚିତ୍ର ‘ଚକ୍ ଦେ ଇଣ୍ଡିଆ’ର ଟାଇଟଲ ଗୀତ ପରିବେଷଣ କରିବେ ଫିଲ୍ମରେ ଉକ୍ତ ଗୀତକୁ ଗାଇଥିବା ବଲିଉଡ୍ ଗାୟକ ସୁଖବିନ୍ଦର ସିଂହ ଓ ତାଙ୍କ ଦଳ। ଏହି ରଙ୍ଗାରଙ୍ଗ କାର୍ଯ୍ୟକ୍ରମ ଦେଖିବା ଲାଗି ସାଧାରଣ ଦର୍ଶକଙ୍କ ପାଇଁ ପାସ୍ ବ୍ୟବସ୍ଥା କରାଯାଇଛି। ଦର୍ଶକମାନେ କଳିଙ୍ଗ ଷ୍ଟାଡ଼ିୟମ ୪ ନମ୍ବର ପ୍ରବେଶପଥ ନିକଟରୁ ପାସ ସଂଗ୍ରହ କରି ଷ୍ଟାଡ଼ିୟମରେ ପ୍ରବେଶ କରି କାର୍ଯ୍ୟକ୍ରମକୁ ଉପଭୋଗ କରିବାର ସୁଯୋଗ ପାଇବେ।
