bjd gruha runa banner

ପାନୀୟଜଳ ସମସ୍ୟା, ୨ କିଲୋମିଟର ଦୂର ନଦୀରୁ ପାଣି ଆଣୁଛନ୍ତି ଲୋକେ

bjd  ek lkhya koti banner

ବାଉଁଶୁଣି : ବୌଦ୍ଧ ବ୍ଲକ୍ ବାଉଁଶୁଣି ପଞ୍ଚାୟତ ଯମଘାଟି ଗାଁର ଗ୍ରାମବାସୀ ପାଣି ପାଇଁ ଡହଳବିକଳ ହେଉଛନ୍ତି । ପାଣି ଯୋଗାଣ ପାଇଁ ସମସ୍ତ କାର୍ଯ୍ୟ ସମାପ୍ତ ହୋଇଥିଲେ ମଧ୍ୟ ପାଣି ଯୋଗାଇ ପାରୁନି ପ୍ରଶାସନ। ଏପଟେ ପାଣି ପାଇଁ ନଳକୂପ ଉପରେ ନିର୍ଭର କରୁଥିବା ଯମଘାଟି ଗାଁର ଲୋକେ ଦୁଇ କିଲୋମିଟର ଦୂର ବାଘନଦୀରୁ ପିଇବା ପାଣି ଅଣିବାକୁ ବାଧ୍ୟ ହେଉଛନ୍ତି। ବିଭାଗ ଦ୍ବାରା ହୋଇଥିବା ପାଣି ଟାଙ୍କି ୨ବର୍ଷ ହେବ ଅଚଳ ହୋଇ ପଡ଼ିଥିଲେ ମଧ୍ୟ ପଞ୍ଚାୟତ ବିଭାଗ ଅଧିକାରୀ ଏଥିପ୍ରତି ଦୃଷ୍ଟି ନ ଦେବା ବର୍ତ୍ତମାନ ଦୁଃଖର ବିଷୟ ପାଲଟିଛି। ଅନ୍ୟପଟେ ପାଣି ଟାଙ୍କି ସମ୍ପର୍କିତ ସମସ୍ତ କାର୍ଯ୍ୟ ସମ୍ପୂର୍ଣ୍ଣ ହୋଇଥିଲେ ମଧ୍ୟ ପାଣି ଯୋଗାଇଦେବା ତ ଦୂରର କଥା, ଅଧିକାରୀମାନଙ୍କ ଦର୍ଶନ ମିଳୁନି । ଏଣୁ ବୌଦ୍ଧ ବ୍ଲକ୍ ବିଡ଼ିଓ ଏଥିପ୍ରତି ଦୃଷ୍ଟି ଦେଇ ଯଥାଶୀଘ୍ର ପିଇବା ପାଣି ଯୋଗାଇ ଦେବାକୁ ଗ୍ରାମବାସୀ ଦାବି କରିଛନ୍ତି।

Comments are closed.