ବାଲେଶ୍ୱର : ଝାଡଖଣ୍ଡ ଓ ପଶ୍ଚିମବଙ୍ଗ ଅଂଚଳରେ ପ୍ରବଳ ବର୍ଷା ହେବାରୁ ସୁବର୍ଣ୍ଣରେଖା ନଦୀରେ ବନ୍ୟା ପରିସ୍ଥିତି ସୃଷ୍ଟି ହୋଇଛି । ନଦୀର ଗାଲୁଡ଼ିହ ବ୍ୟାରେଜ ରୁ ମିନିଟ ପ୍ରତି ୩ ଲକ୍ଷ କ୍ୟୁସେକ୍ ରୁ ଅଧିକ ବର୍ଷା ପାଣି ନିଷ୍କାସିତ ହେବାରୁ ସୁବର୍ଣ୍ଣରେଖା ର ଜଳସ୍ତର ବୃଦ୍ଧି ପାଇଚାଲିଛି। ଭୋରରେ ରାଜଘାଟ ଠାରେ ସୁବର୍ଣ୍ଣରେଖା ର ଜଳପତ୍ତନ ବିପଦସଂକେତ ୧୦.୩୬ ମିଟର ଟପିଥିଲା। ଦିନ ୯ ଟା ରେ ରାଜଘାଟ ଠାରେ ଜଳ ପତ୍ତନ ୧୦.୫୪ ଉପରେ ପ୍ରବାହିତ ହେଉଛି। ଗତ କିଛିଦିନ ଧରି ଲଗାଣ ବର୍ଷା ହୋଇଥିବାରୁ ପଶ୍ଚିମବଙ୍ଗ ର ଉଦବ୍ରୁତ୍ତ ବର୍ଷା ପାଣି ଯୋଗୁ ଜଳେଶ୍ୱର,ଭୋଗରାଇ ର ଧୋୟା ଅଞ୍ଚଳ ବୁଡିରହିଛି। ସୁବର୍ଣ୍ଣରେଖା ନଦୀରେ ବନ୍ୟା ଦେଖା ଦେବାରୁ ନଦୀରେ ପଡ଼ିଥିବା ଖାଳ ଓ ନାଲ ଦ୍ୱାରା ପାଣି ସମତଳ ଅଞ୍ଚଳ କୁ ପ୍ରବାହିତ ହେଉଛି। ଫଳରେ ବନ୍ୟା ପରିସ୍ଥିତି ଜଟିଳ ହେବାରେ ଲାଗିଛି।
Popular Categories
Previous article
Next article