ରେଙ୍ଗାଲି: କିଲାସମା ପଞ୍ଚାୟତ ଅନ୍ତର୍ଗତ ଝରଘାଟୀ ଗ୍ରାମର କଏରା ପ୍ରଧାନ(୭୪) ଦୀର୍ଘ ଦିନ ହେବ ତାଙ୍କର ଦୁଇ ଗୋଡ ଭାଙ୍ଗି ଯାଇଥିବାରୁ ଚଲା ବୁଲା କରିବାରେ ବହୁତ କଷ୍ଟ ପାଉଥିଲେ। ଦୁଇଟି ବାଉଁଶ ଠେଙ୍ଗା ଧରି ବହୁ କଷ୍ଟରେ କଏରା ଚଲାବୁଲା କରନ୍ତି। କଏରାଙ୍କ ଏହି ଦୁର୍ଦ୍ଦଶା ସଂକ୍ରାନ୍ତରେ ରେଙ୍ଗାଲିର ସ୍ବାଧୀନ ସଂଗଠନର କାର୍ୟ୍ୟକର୍ତ୍ତା ମନୋରଞ୍ଜନ ଥପାଙ୍କ ଦୃଷ୍ଟି ଗୋଚର ହେଲା ପରେ ଅସହାୟ ବୃଦ୍ଧଙ୍କୁ ସହାୟତା ପ୍ରଦାନ ପାଇଁ ସଙ୍ଗଠନର ସଭାପତି ରାଜୀବ କୁମାର ମିଶ୍ର ଓ ଅନ୍ୟ ସଭ୍ୟମାନଙ୍କ ସହିତ ବିଚାର ବିମର୍ଶ ହୋଇଥିଲା। ରେଙ୍ଗାଲିର ଔଷଧ ଦୋକାନୀ ତପେଶ ସିଂହଙ୍କୁ ସଙ୍ଗଠନ ପକ୍ଷରୁ ବୃଦ୍ଧ କଏରା ପ୍ରଧାନଙ୍କୁ ସହାୟତା ପାଇଁ ଅନୁରୋଧ କରାଯିବା ପରେ ତପେଶ ସିଂହ କଏରା ପ୍ରଧାନଙ୍କ ପାଇଁ ଦୁଇଟି ଆଶାବାଡି ଏବଂ ଔଷଧ ଯୋଗାଇଥିଲେ। ଗତକାଲି ସନ୍ଧ୍ୟାରେ ସ୍ବାଧୀନ ଏକତା ସଙ୍ଗଠନ ର ସଭାପତି ରାଜୀବ କୁମାର ମିଶ୍ର, ସମ୍ପାଦକ ସରୋଜ ବିଶୋଇ, ବାବୁଲୁ ଗହୀର, ପଦ୍ମନାଭ ଭୋଇ, ବ୍ଳକ୍ ସଂଯୋଜକ ଶ୍ରୀକାନ୍ତ ପୃଷ୍ଟି ଝରଘାଟି ଗ୍ରାମକୁ ଯାଇ କଏରା ପ୍ରଧାନଙ୍କୁ ଭେଟି ଆଶାବାଡି ପ୍ରଦାନ କରିବା ସହିତ ଔଷଧ ଏବଂ ଫଳ ପ୍ରଦାନ କରିଥିଲେ। ଆଶାବାଡି ପାଇଲା ପରେ କଏରା ପ୍ରଧାନ ଆନନ୍ଦିତ ହୋଇ ସହାୟତା ପାଇଁ ସଙ୍ଗଠନର କର୍ମକର୍ତ୍ତା ଓ ତପେଶ ସିଂହଙ୍କୁ କୃତଜ୍ଞତା ଜ୍ଞାପନ କରିଥିଲେ। ବିଭିନ୍ନ ମହଲରେ ମଧ୍ୟ ସଙ୍ଗଠନର ପ୍ରୟାସ ପ୍ରଶଂସା କରାଯାଇଛି।
Comments are closed.