ବାଜେ ବଇଁଶୀ ନାଚେ ଘୁଙ୍ଗୁର… ଏଇ ମିଳନ ଯୁଗଯୁଗର । ଗୀତଟିର ସୁରେ ସୁରେ ନାଚୁଛି କୁନିଝିଅ । ଗୀତର ପ୍ରତିଟି ଛନ୍ଦରେ ଝିଅଟି ତାର ନୃତ୍ୟ ପରିବେଷଣ କରୁଛି । ଠିକ୍ ଯେପରି ଜଣେ ପ୍ରଫେସନାଲ ଡ୍ୟାନ୍ସର । ଗାଁର ମାଟିରାସ୍ତାରେ ନିଜର ସୁନ୍ଦର ନୃତ୍ୟରେ ସମସ୍ତଙ୍କ ମନକୁ ବାନ୍ଧି ରଖିଛି । ପଙ୍କରୁ ପଦ୍ମ ଫୁଟିବା ପରି କୁନି ଓ ଗରିବ ଝିଅଟିର ନୃତ୍ୟ ଅବିକଳ ମନେ ହେଉଛି । ଭିଡିଓଟିକୁ ଜଣେ ବ୍ୟକ୍ତି ସୋସିଆଲ ମିଡିଆ ଫେସବୁକରେ ପୋଷ୍ଟ କରିଥିବା ଦେଖିବାକୁ ମିଳିଛି । ଯାହା ବର୍ତ୍ତମାନ ଭାଇରାଲ ହେଉଛି ।
ବ୍ୟକ୍ତିଜଣକ ଭିଡିଓଟିକୁ ଅପଲୋଡ୍ କରିବା ସହ କ୍ୟାପସନରେ ଝିଅଟିକୁ ବଣର ମଲ୍ଲି ସହ ତୁଳନା କରିଛନ୍ତି । ସେ ଲେଖିଛନ୍ତି ବଣରେ ମଲ୍ଲି ଫୁଟି ଝରିପଡେ ଜାଣିଥିଲି । କିନ୍ତୁ ଆଖିରେ ଦେଖିଲି । ଏ ଝିଅର ବାପା-ମା’ଙ୍କୁ ମୋର ଅନୁରୋଧ । ଏ ପଦ୍ମକୁ ପଙ୍କରେ ମିଶିବାକୁ ଦିଅନ୍ତୁ ନାହିଁ । ଏ ବଣ ମଲ୍ଲିକୁ ବଣରେ ଝରିବାକୁ ଦିଅନ୍ତୁ ନାହିଁ । ଝିଅଟିର ପ୍ରତିଭାକୁ ଲୋକଲୋଚନକୁ ଆଣିବାକୁ ବ୍ୟକ୍ତିଜଣ ତାଙ୍କ ପୋଷ୍ଟରେ କହିଛନ୍ତି । ସେପଟେ ଝିଅଟିର ଏହି ସୁନ୍ଦର ନାଚକୁ ଲୋକମାନେ ବେଶ୍ ପସନ୍ଦ କରିଛନ୍ତି । ବର୍ତ୍ତମାନ ସୁଦ୍ଧା ଭିଡିଓଟିକୁ ୪ଲକ୍ଷରୁ ଊର୍ଦ୍ଧ୍ଵ ଲୋକ ଦେଖିସାରିଥିବା ବେଳେ, ୫ହଜାରରୁ ଅଧିକ ଲୋକ ଲାଇକ୍ କରିଛନ୍ତି । ସେହିପରି ୭ଶହରୁ ଅଧିକ ଦର୍ଶକ ନିଜର ମତାମତ କମେଣ୍ଟ ବକ୍ସ ମାଧ୍ୟମରେ ଦେଇଥିବା ଦେଖିବାକୁ ମିଳିଛି ।
Comments are closed.