ଝୁମ୍ପୁରା: କେନ୍ଦୁଝର ଜିଲାର ବାଉଁଶୂଳିଠାରୁ ସାତ କୁଟୁଣିଆଁ ପର୍ଯ୍ୟନ୍ତ ଯାଇଥିବା ରାସ୍ତାର ଅନେକ ସ୍ଥାନରେ ଖାଲ ଖମା ହୋଇ ଯାଇଛି। ଏହି ରାସ୍ତାର ବାରିଆ ଉଚ୍ଚ ବିଦ୍ୟାଳୟ ନିକଟରେ ଅଧିକ ଖାଲ ହୋଇଥିବାରୁ ଅନେକ ସମୟରେ ଏହି ସ୍ଥାନରେ ଛୋଟମୋଟ ଦୁର୍ଘଟଣା ଘଟି ଆସୁଛି। ଏଠାରେ ବାରମ୍ବାର ଦୁର୍ଘଟଣା ଘଟୁଥିବା ସମ୍ପର୍କରେ ସ୍ଥାନୀୟ ଗ୍ରାମବାସୀ ବିଭାଗକୁ ଅବଗତ କରିଥିଲେ କିନ୍ତୁ ବିଭାଗ ଏହି ଖାଲକୁ ସମତୁଲ କରିବା ଦିଗରେ ଆଗ୍ରହ ପ୍ରକାଶ କରିନଥିବାରୁ ଏଠାରେ ଦିନକୁ ଦିନ ଦୁର୍ଘଟଣା ବଢିଚାଲିଥିବାରୁ ଏହି ଗ୍ରାମର ଯୁବ ସମାଜସେବୀ ପରେଶ କୁମାର ବାରିକ ନିଜସ୍ୱ ଉଦ୍ୟମରେ ଗ୍ରାମର କିଛି ଯୁବକମାନଙ୍କୁ ଏକତ୍ରିତ କରି ଦୁର୍ଘଟଣାକୁ ଏଡାଇବା ନିମନ୍ତେ ରାସ୍ତାରେ ହୋଇଥିବା ଖାଲକୁ ମାଟି ଆଣି ସମତୁଲ କରିଥିବା ଦେଖିବାକୁ ମିଳିଛି। ବାରିଆ ଉଚ୍ଚ ବିଦ୍ୟାଳୟ ନିକଟରେ ହୋଇଥିବା ଖାଲରେ ଅନେକ ସମୟରେ ଦୁଇ ଚକିଆ ଗାଡି ଠାରୁ ଆରମ୍ଭ କରି ଯାତ୍ରୀବାହୀ ଗାଡି ସାଇକଲ ଆରୋହୀ ଏପରିକି ସ୍କୁଲ କଲେଜକୁ ଯାଉଥିବା ଛାତ୍ରଛାତ୍ରୀମାନେ ମଧ୍ୟ ଦୁର୍ଘଟଣାର ଶିକାର ହେଉଥିଲେ। ଯୁବ ସମାଜସେବୀ ପରେଶ ବାରିକ ରାସ୍ତା ସମତୁଲ କରୁଥିବାର ଦେଖି ଗ୍ରାମର ଯୁବକ ଟୁଲୁ, ସଂଜିବ, ଅଶିନୀ ଠାରୁ ଆରମ୍ଭ ଗ୍ରାମର ଅନ୍ୟ ଭନ୍ଦ୍ରବ୍ୟକ୍ତିମାନେ ମାନବିତା ଦେଖାଇ ହାତରେ ଝୁଡି, କୋଦାଳି ଧରୀ ଖାଲକୁ ସମତୁଲ କରିଛନ୍ତି। ସମାଜସେବୀ ବାରିକଙ୍କ ଏହି କାର୍ଯ୍ୟକୁ ଗ୍ରାମବାସୀ ପ୍ରଶଂସା କରିବା ସହିତ ଆଗାମୀ ଦିନରେ ଦୁଃଖି ଦରିଦ୍ରମାନଙ୍କ ସେବା କରିବା ପାଇଁ ପରାମର୍ଶ ଦେଇଥିଲେ।
Comments are closed.