ନୂଆଦିଲ୍ଲୀ : ସୋସିଆଲ ମିଡିଆରେ ଅନେକ ସମୟରେ ଭିନ୍ନ ଭିନ୍ନ ଭିଡିଓ ଭାଇରାଲ ହୋଇଥାଏ । କିଛି ଭିଡିଓ ହସର ଖୋରାକ ଯୋଗାଇଥାଏ ତ ଆଉ କିଛି ଭିଡିଓ ସମସ୍ତଙ୍କୁ ଚକିତ କରିଥାଏ । ଏମିତି ଏକ ଭିଡିଓ ଏବେ ଭାଇରାଲ ହେବାରେ ଲାଗିଛି ଯାହା ସମସ୍ତଙ୍କୁ ଚକିତ କରୁଛି । ଭିଡିଓରେ ଜଣେ ବ୍ୟକ୍ତି ନଜର ଆସୁଛନ୍ତି ଯିଏ କି ରାସ୍ତାରେ ବାଇକ ଚଲାଉଛନ୍ତି କିନ୍ତୁ ଗୋଡରେ । ହାତରେ ସେ ମୋବାଇଲ ଧରିଛନ୍ତି ।
ଭିଡିଓକୁ ଇନଷ୍ଟାଗ୍ରାମରେ ସେୟାର କରାଯାଇଛି । ଭିଡିଓର ଆରମ୍ଭରେ ଆପଣ ଦେଖିପାରିବେ କି ଜଣେ ବ୍ୟକ୍ତି ମୋଟରସାଇକେଲରେ ଶୋଇଛନ୍ତି ଏବଂ ନିଜ ଗୋଡରେ ମୋଟରସାଇକେଲ ଚଲାଉଛନ୍ତି । ଭିଡିଓର ଆଗକୁ ନଜର ଆସୁଛି କି ଗାଡିଟି ଅଳ୍ପକେ ଏକ ଟ୍ରକ୍ ସହିତ ପିଟି ହେବାରୁ ରକ୍ଷା ପାଇଯାଉଛି । ଏହା ସହିତ ବ୍ୟକ୍ତି ଜଣକ ଭିଡିଓରେ ନିଜ ଫୋନ୍ ଚଳାଉଥିବା ମଧ୍ୟ ନଜର ଆସୁଛି ।
ଭିଡିଓଟି ୨୪ ଜାନୁାୟାରୀରେ ସେୟାର କରାଯାଇଥିଲା । ସେବେଠୁ ଏହା ୨.୯ ମିଲିୟନରୁ ଅଧିକ ଥର ଦେଖାଯାଇଛି ଏବଂ ଏହା ଏବେ ଭାଇରାଲ ହେବାରେ ଲାଗିଛି । ଅନେକ ଲୋକ ଏଥିରେ ନିଜ ପ୍ରତିକ୍ରିୟା ମଧ୍ୟ ଦେଉଛନ୍ତି ।
