ନୂଆଦିଲ୍ଲୀ : ନିକଟରେ ସୋସିଆଲ ମିଡିଆରେ ପୁଲିସ କର୍ମୀଙ୍କ ଏଭଳି ଏକ ଭିଡିଓ ଭାଇରାଲ ହେଉଛି,ଯାହାକୁ ଦେଖି ସୋସିଆଲ ମିଡିଆ ବ୍ୟବହାରକାରୀ ଭାବବିହ୍ୱଳ ହୋଇଛନ୍ତି। କିଛି ବ୍ୟବହାରକାରୀ କହିଛନ୍ତି ନିଶ୍ଚିତ ପୁଲିସ କର୍ମୀଙ୍କ ଜୀବନ ଖୁବ୍ କଠିନ। ସମସ୍ତ ପ୍ରକାର ପାଗରେ ଯେକୌଣସି ପରିସ୍ଥିତିରେ ମଧ୍ୟ କର୍ମ କରି ଥାଆନ୍ତି। ଅନେକ ସମସ୍ୟା ମଧ୍ୟରେ ଥାଇ ନାଗରିକଙ୍କୁ ସୁରକ୍ଷା ଦେଇଥାଆନ୍ତି। ସୋସିଆଲ ମିଡିଆରେ ଏଭଳି ଅନେକ ଭିଡିଓ ଭାଇରାଲ ହୋଇଥାଏ।
बारिश में पेड़ के नीचे छिपकर दाली रोटी खाते हुए पुलिस कर्मी के इस दृश्य ने भावुक कर दिया।
बारम्बार प्रणाम है आपको 🙂🙂 pic.twitter.com/r1PQbM4pcz
— Shubhangi Pandit (@Babymishra_) July 8, 2024
ଭିଡିଓରେ ଦେଖିପାରିବେ, ବର୍ଷା ସମୟରେ କାର୍ଯ୍ୟରତ ପୁଲିସ କର୍ମୀଙ୍କୁ ଖରାବେଳର ଖାଦ୍ୟ ସେବନ କରିବା ପାଇଁ କୌଣସି ସ୍ଥାନ ମିଳିପାରି ନାହିଁ। ଫଳରେ ଜଣେ ପୁଲିସ କର୍ମୀ ଏକ ଗଛ ତଳେ ବସି ରୁଟି ଓ ଡାଲି ଖାଉଛନ୍ତି। ବର୍ଷା ପାଣି ମଧ୍ୟ ଖାଦ୍ୟରେ ପଡୁଛି। ତଥାପି ମଧ୍ୟ ପୁଲିସ କର୍ମୀ ଖାଦ୍ୟ ଗ୍ରହଣ କରୁଛନ୍ତି। ଏହି ଭିଡିଓ ଏବେ ଖୁବ୍ ଭାଇରାଲ୍ ହେଉଛି।
୨୬ ସେକେଣ୍ଡର ଏହି ଭିଡିଓକୁ ଏଯାଏଁ ୧ ଲକ୍ଷ ୩୪ ହଜାରରୁ ଅଧିକ ଲୋକେ ଦେଖି ସାରିଲେଣି। ବର୍ଷାରୁ ରକ୍ଷା ପାଇବା ପାଇଁ କିଛି ପୁଲିସ କର୍ମୀ ସିମେଣ୍ଟର ଏକ ପାଇପ ମଧ୍ୟରେ ଆଶ୍ରୟ ନେଇଥିବା ମଧ୍ୟ ଦେଖାଯାଇଛି। ଭିଡିଓ କେଉଁ ସ୍ଥାନର ତାହା ସ୍ପଷ୍ଟ ହୋଇ ନାହିଁ। ଭିଡିଓକୁ ଦେଖି ଲୋକେ ନିଜର ଭିନ୍ନ ଭିନ୍ନ ମତ ଦେଉଛନ୍ତି।
୧୨ ବର୍ଷ ପରେ କୁବେର ଯୋଗ; ୨୦୨୫ ପର୍ଯ୍ୟନ୍ତ ଏହି ରାଶିଙ୍କ ଉପରେ ହେବ ଧନବର୍ଷା..
