ଜୟପୁର : ରାଜସ୍ଥାନ ଜୟପୁରରେ ଏକ ଅଭାବନୀୟ ଘଟଣା ସାମ୍ନାକୁ ଆସିଛି। ନ୍ୟାୟ ନମିଳିବାରୁ ଜଣେ ୩୫ ବର୍ଷୀୟା ବଳାତ୍କାର ପୀଡ଼ିତା ଥାନା ଭିତରେ ନିଜ ଦେହରେ ନିଆଁ ଲଗାଇ ଦେଇଥିଲେ। ଜୟପୁରର ବୈଶାଳୀ ନଗର ଥାନାରେ ରବିବାର ସନ୍ଧ୍ୟାରେ ଏହି ଘଟଣା ଘଟିଛି। ପୀଡ଼ିତାକୁ ସବାଇ ମାନସିଂହ ହସ୍ପିଟାଲରେ ଭର୍ତ୍ତି କରାଯାଇଥିବାବେଳେ ଅବସ୍ଥା ସଂକଟାପନ୍ନ ଥିବା କୁହାଯାଉଛି।
ପୀଡ଼ିତାଙ୍କ ଅଭିଯୋଗ ଅନୁସାରେ ପୁଲିସ ଅଭିଯୁକ୍ତଙ୍କ ବିରୋଧରେ କୌଣସି କାର୍ଯ୍ୟାନୁଷ୍ଠାନ ନେଉନାହିଁ ଓ ମାମଲା ଫେରାଇ ନେବାକୁ ଚାପ ପକାଉଛି। ପୀଡ଼ିତାଙ୍କ ସ୍ୱାମୀ କହିଛନ୍ତି ଯେ ତାଙ୍କ ପତ୍ନୀ ୨ ମାସ ତଳେ ଜଣେ ୨୯ ବର୍ଷିୟ ଯୁବକ ବିରୋଧରେ ବଳାତ୍କାର ନେଇ ମାମଲା ରୁଜୁ କରାଇଥିଲେ। ହେଲେ ଏପର୍ଯ୍ୟନ୍ତ ପୁଲିସ୍ ଅଭିଯୁକ୍ତକୁ ଗିରଫ କରିନାହିଁ। ଏହାର ବିପରୀତ ପୁଲିସ ମୋ ପତ୍ନୀଙ୍କ ସହ ଖରାପ ବ୍ୟବହାର କରିଆସୁଛି। ପୁଲିସ୍ କହିବା ଅନୁସାରେ ମହିଳା ଜଣକ ରବିବାର ନିଜ ପୁଅ ସହ ଥାନାକୁ ଆସିଥିଲେ। ହଠାତ ସେ ନିଜ ଦେହରେ ନିଆଁ ଲଗାଇଦେଇଥିଲେ। ତାଙ୍କୁ ସଙ୍ଗେ ସଙ୍ଗେ ଉଦ୍ଧାର କରି ହସ୍ପିଟାଲକୁ ନିଆଯାଇଥିଲା। ପୁଲିସ ମାମଲାର ତଦନ୍ତ କରୁଛି। ଜଣେ ମାଜିଷ୍ଟ୍ରେଟ ହସ୍ପିଟାଲରେ ପହଞ୍ଚି ମହିଳାଙ୍କ ବୟାନ ରେକର୍ଡ କରିଛନ୍ତି।
Comments are closed.